ए.जि.पिआ आसाम गोरोबथानि एकर्दखौ सोदांनो दाबि होदों

गुवाहाटी: आसाम हादोरसानि खुंथायाव थानाय बि.जे.पि दोलोनि लोगो ए.जि.पिआ मंगलबाराव मिरु सरकारनि नखर मनट्रीखौ मोजाङै खामानि मावनो हुमखि होनानै आसामनि जारिमिनारि आसाम एकर्दखौ सोदांनो खावलायो।

ए.जि.पिनि आफादगिरि आरो आसाम केबिनेटननि मनट्री आटुल बराया आसाम एकर्दनि द’थि द'फाखौ मिरु सरकारा जेरैखिजाया थाबैनो सोदां नांगौ होन्ना दाबि दैखाङो। जाय द'फानि गेजेरजों हादोरसानि थागिबि सुबुंफोरा रैखाथि मोनगोन।

बिथांआ बुङोदि, ए.जि.पिआ एकर्दनि जायखिजाया दफाखौ सोदाङैनिफ्राय गनायनानै लाया, गनायनानै लायोब्ला आसाम गुबुनारिफोरनि बेरेखा द’बोसोर सोमावसारनायाव मुंख्लं जालांनाय गासै सा 855 सुबुंफोरखौ मुं सुनानै सोंखारिनाय जागोन होन्ना बरा बिथांआ बुंबावो।