क’कराझारनि किसान भिग्यान केंड्रआव किसान मेला खुंफुङो

गसाइगांव,फेब्रुवारि 25: क’कराझार जिल्लानि सिङाव थानाय गसाइगांव आव आसाम एग्रिकालसालेर इउनिभारसीटीजों लोगोसे क’कराझार जिल्ला किसान भिगियाव केंड्र (KVK) नि बान्जायनायाव जिल्ला किसान मेला खुंफुंङो।

गसाइगाव SDO (Civil) नि गकुल चन्ड्र बर्मन, गसाइगांव MLA माजेन्ड्र नार्जारि, गसाइगांव RARS नि गेदेमा बैगानिक सुनिल पैल आरो गुबुन गुबुन गेदेमा बिथांमोन नुजाथिनायजों लोगोसे कारिगांव, मंगलझरा, दतमा, बासबारि, रायमना, मुतामबिल आरो क’कराझार ओनसोलाव थानाय गुबुन गुबुन हगामिफोरनि गोबां आबादारिफोराबो नुजाथिदोंमोन होन्ना खौरां मोन्नाय जायो।

किसान मेला हाबाफारिआव फिथाय-सामथाय दिन्थिफुंनाय, मैगं-थायगं दिन्थिफुनाय, बिबार दिन्थिफुंनाय, जिब-जुनार फिसिनाय दिन्थिफुंनाय हाबाफारिफोरखौ लादोंमोन होन्ना मिथिनो मोनबावनाय जायो। बेफोरजों लोगोसे हादोरनि गाहाय मंत्री नारेन्ड्र मोडी बिथांनि प्रधान मंत्री सम्मान नीधी योजना बेखेवनायनि Live Telecast खौबो दिन्थिफुंदोंमोन होन्ना मिथिनो मोनबावनाय जायो।

किसान मेलानि जोबथि हाबाफारि बादियै आबादारि बैगानिक आरो आबादारिफोरनि गेजेराव सावरायज्लायनाय हाबाफारिबो लादोंमोन।