क’कराझाराव LPG ओंखाम संग्रा गेस चिलेन्डारनि जेंना

क’कराझार,डिसेम्बर 8: क’कराझार जिल्लानि क’कराझार टाउनाव गोबां सुबुंफोरा लिकुपाइड पेट्रलियाम ओंखाम संग्रा गेस चिलेन्डार (LPG)नि Home Delivery मोजां नङा आरो Black marketer फोरजों गान्थि खाबाय जानांगौ होन्ना सनदेह’ खालामना रागाजोंनाय फोरमायदों, मानोना गेस चिलेन्डारफोरा Black marketer फोरनि आखायाव जोबनो गोयै मोनसै। माखासे गेस बाहायग्रा (Consumer) फोरा बुंदोंदि बिथांमोनहा माब्लाबाबो आयेन बादियै चिलेन्डारखौ मोन्नो हायाखै।

क’कराझार टाउनाव थानाय मिथिंगापुरिनि इउ. ब्रम्ह आरो बिथांनि लोगोफोरा खौरांगिरिनि सिगांआव बुंदोंदि, बिथांमोनहा चिलेन्डारखौ समबादि न’आव लांनानै हैनो थाखाय (Home Delivery) क’कराझारनि बागानसालिआव थानाय Gold Touch Distributor आव मुं थिसनदों आरो सिगां न’आवनो लांनानै हैनाय खामानिजों गोजोन्नाय मोनदोंमोन नाथाय उनाव न’आव लांनानै हैनाय खामानिआ लासैनो गोयै जालांबाय।

गेस चिलेन्डार रानगिरि (Distributor) आ समबादियै रान्नानै हैनाय खामानिआ फैमाल जादों। बिथांमोनबा बुंदोंदि, LPG गेस चिलेन्डारा Black marketer फोरनि आखायाव जोबनो गोयै जादों आरो बेफोर जाथायनि सायाव जिल्ला खुंथाया नायबिजिरनांगौ लोगोसे consumer affairs बिफानाबो नायबिजिरनांगौ होन्ना दाबि खालामदों।

गुबुन गेस बाहायगिरिफोराबो बेबादिनो बुंदों होन्ना खरां मोनबावनाय जायो।