क’कराझार जिल्लायाव बेसेन नाङै फराय बिजाब रान्नानै होदों

क’कराझार,डिसेम्बर 28: क’कराझार जिल्लानि गासायगांवआव ओनसोलाव थानाय गसायगांव सर्बा सिक्सा अभियाननि सिंजों हाब्रुबिल गोजौ फरायसालिआव बेसेन नाङा लासे फराय बिजाब रान्नानै होदों।

बे हाबाफारिखौ गसायगांव बिएमसीनि अमर सिंह ब्रम्ह बिथांआ बान्जायदोंमोन आरो बे हाबाफारिआव गसायगांवनि एमएलए माजेन्ड्र नार्जारि, एसिसटेन्ट खमिसनार अमिट पर्बसा, गसायगांव DPO-TT लक्कन दास आरो गुबुन गुबुन मानगोनां बिथांमोनहा नुजाथिदोंमोन।

नांगौबादि 60 जौखोन्दो बिजाबफोरा बिथांनि मावख’आव सफैखाबाय आरो बेबादियैनो बेसेन नाङा लासे रान्नाय हाबाफारिखौ लादों होन्ना अमर सिंह ब्रम्ह बिथांआ मिथिहोयो। लोगोसे माखासे नांबावगौ जानाय बिजाबफोरा बे दाननिनो जोबथा अक्टआव सफैगोन होन्ना बिथांआ मिथिहोबावो।