कार्बि आंलं गावखुंथाय काउनसिलनि बाजेतनि जथुमाया खुंफुंजाबाय

दिपु,मार्च 06: कार्बि आंलं जिल्लानि दिपु टाउन आव थानाय कार्बि आंलं गावखुंथाय काउनसिलनि नब्लांआव मंगलबारखालि कार्बि आंलं गावखुंथाय काउनसिलनि 2019-20 माइथायनि बाजेत सिजननि जथुमाया खुंफुंजाबाय।

कार्बि आंलं गावखुंथाय काउनसिलनि गाहाय (CEM) थुलिराम रंहां बिथांआ बुंदोंदि, State Own Priority Development (SOPD) नि गेजेरजों बाहायनो गोनां रांआ गासै 44528.07 लाख, जाय रांनि 5186.27 लाख रांआ नखर जौगाखां बिफान, आयजो आरो गथसा जौगाखां आरो DIET स्किमफोरा हाबदेरफानानै दं। बिथांमोनहा काउनसिल खुंथायनि सोद्रोमाफोरनि मान दान बान्था आरो गुबुन गुबुन बिथिंफोराव नांगौ जानाय 83364.28 लाख रांनि गोनांथिखौ हादोरसा सरकारनिसिम मिथिहोहरो।