तामुलपुर,फेब्रुवारि 28: बाक्सा जिल्लानि कुमारिकाता पातंजली मिरुआव ब्रिहस्पथिबारखालि बोसोरारि सान फालिनाय समाव बाबा रामदेवजों लोगोसे बीटीसी खुंथायनि गाहाय हाग्रामा महिलारि बिथांआबो बाहागो लायो।
बे हाबाफारिआव उन्दै उन्दै बिथराय थाखोआव फरायफुनाय गोबां फरायसाफोरा बाहागो लायो आरो दामनाय देनाय मोसानाय बायदि हाबाफारि लानानै रंजाखांनाय लाबोनायजों लोगोसे योगा खालामनाय नुथायखौबो नुनो मोन्नाय जायो।
बीटीसी खुंथायनि गाहाय हाग्रामा महिलारि बिथांआबो बाबा रामदेवजों लोगोसे अनुलमबिलाम प्रनायम, कपिलभर्टी प्रनायम,सुर्य नमश्कार बायदि योगा खालामनायखौ नुनो मोन्नाय जायो।
कुमारिकाता पातंजली मिरुआव हाबाफारिनि गेजेरजों जम्मु आरो काश्मीर हादोरसानि पुलवामा जिल्लायाव इस्लामिक उदखारिफोरनि गाग्लोबनायाव मुंख्लं जालांनाय मनेस्वर बसुमथारि बिथांखौ 1 मिनिट गोसोखांनानै इसोरनि खाथिआव आरज गाबो आरो बिथांनि बिसि आरो बिनानावफोरखौ मान बावो।
बीटीसी खुंथायनि गाहाय हाग्रामा महिलारि आरो स्वामी बाबा रामदेब बिथांमोनजों लोगोसे बिस्वाजित दैमारि, बीटीसी डिपुटी गाहाय खाम्पा बरगयारि, तामुलपुर बियाबनि MLA इमानुयेल मुसाहारि, बीटीसी EM देबेन बर’ आरो बिस्वजित गोरा नार्जारि बिथांमोनहाबो बाहागो लादोंमोन होन्ना खौरां मोन्नाय जायो।
