केनिआ सनानि बुत जुथा आरो मद्रिखआ सनानि बलखौ मोन्नो हायो

गुवाहाटी,जुलाइ16: रबिबाराव रासिया हादोराव जानाय 2018 माइथायनि फिफा बुहुम कापनि गुन गोनां बान्थाफोरखौ इंलैंडनि Harry Kane आ गासै मोन 6 गल सोनानै सनानि बुत जुथाखौ मोन्नो हायो आरो क्रोएसियानि Luka Modric आ सनानि बलखौ मोन्नो हायो। फारसेथिं फ्रांसनि 19 बोसोर बैसोनि बल जोसनग्रा Kylian Mbappe आ बुहुम कापनि लाइमोन बान्थाखौ मोन्नो हायो। बेलजियमनि Thibaut Courtois आ गासै 27 खेब बल जोसन्नायखौ लाखिनो हानानै सनानि ग्लभ देरहासार बान्थाखौ मोन्नो हायो।

फैगौ 2022 माइथायाव जानो गोनां FIFA World Cup 2022 आ United Arab Emirate नि Qatar आव जागोन होन्नानै बुहुम कापनि आफादा फोसावो। गिबि खेबनि थाखाय Middle East नि मुसलमानफोरनि हादोराव जागोन होन्ना मिथिहोयो।