गुवाहाटी,डिसेम्बर 9: बलिउडनि आरो असमिया सावथुननि मुंदांखा Actor, Director, Scrip Writer, केनि देउरि बसुमथारिनि 3थि सावथुन “Suspended Inspector Boro” आ सावथुन मोजां मोनगिरिफोरनि अन्चायनाय मोनदों। बिथांआ 2013 माइथायाव Local Kung Fu सावथुननिफ्राय मुंदां जानायजों लोगोसे बयजोंबो सिनायजाबोदों आरो 2014 माइथायाव प्रियंका चप्रानि “Mary Kom” बलिउड सावथुनावबो रल मोनबोदों। बेफोरजों लोगोसे बिथांआ गोबां सावथुनफोराव रल फाव खालामबोबाय जेरै- Local Kung Fu (2013), Raag (2014), Mary Kom (2014), Luv Ka The End, Local Kung Fu 2 (2017), Raagdesh (2017) Suspended Inspector Boro (2018) आरो TV Serialफोर जेरै Shanghai, Phata Poster Nikla Hero बायदि बायदि।
बिथांआ बोसोनगिरि (Director) हिसाबै Local Kung Fu (2013), Local Kung Fu 2 (2017), Suspended Inspector Boro (2018) सावथुनफोराव बोसोन होबोबाय।
मखनो गोनांदि बिथांनि 7 डिसेम्बराव फोसावनाय Suspended Inspector Boro सावथुना Local Kung Fu आरो Local Kung Fu 2 आव जेरैबादि सावथुन नायनो मोजां मोनगिरिफोरनि गोसो बोनो हादोंमोन बेबादिनो गुवाहाटीआव थानाय मोनफ्रोमबो चिनेमा टियाटार फारियै- 7D Theatre, Anuradha Cineplex, Apsara Cinema, Carnival Cinemas, Cinepolis, Gold Cinema: Lakhtokia, Gold Cinema: Narengi, Gold Cinema: Paltan Bazar, Grande Cines, Meghdoot Picture Palace, Pragjyoti Cinema, PVR: Dona Planet टियाटारफोराव सावथुन नायगिरिफोरनि गोसो गोजोनग्लायनायखौ नुनो मोनदों।
Suspended Inspector Boro सावथुनखौ नांगौबादि दिल्ली आरो मुम्बाइफोरावबो दिन्थिफुंगोन होन्ना खौरां मोनबावनाय जायो।
मिथिनो मोन्नाय बादिब्ला सावथुन्नि गुबै Theme आ जादों- माखासे सेंग्राफोरा (सुबुं लाखारग्रा) उदालगुरिनिफ्राय सासे सिख्लाखौ साख्रिनि ट्रेनिंनि मुंआव लानानै फैदोंमोन, नाथाय गुवाहाटीसिम सफैनाय लोगो लोगो सान 3 गोमानानै दंमोन, जायनि थाखाय Inspector Boro आ Unofficially संनो थाखाय उदालगुरिनिफ्राय गुवाहाटी फार्सो फैयो आरो गोख्रों गुन्डाफोरजों बुलाइनाय जायो आरो बे सावथुनाव Local Kung Fu नि आदब आरो Acton फोरनिफ्राबो बांसिनै सेबखांनाय समाव दिरु आरो केबोलनि हेफाजाब लाया लासे बारनाय, जोनाय, सौख्रुबनायफोरखौ खालामनाय जादों होन्ना मिथिनो मोनबावो।
बे सावथुनाव गुबैयै रल लादों- उटकाल हाजवारि (Actor, Inspector), इपसिथा हाजरिका(Actor), पुनम गुरुं (Actor), केनि बसुमथारि (Actor)।