खुमतायनि एम.एल.एआ नालिस होदों

गलाघात: खुमतायनि एम.एल.ए म्रिनाल सायखियाआ गलाघात पुलिस थानायाव NEEPCO नि बेरेखा नालिस होयो। खौरांमोन्नाय बादिब्ला नागालैन्ड हादोरसानि वाखा जिल्लायाव सोलिबाय थानाय NEEPCO नि खामानि Doyang Hydro Electric Power Project निफ्राय जिल्ला खुंथायनो जेखो खौरां हरालासे मोनब्रै दरजाजों दै हगारहरनानि बेरेखा नालिस होयो। जायनि जाहोनाव धनस्रि आरो दयां दैमानि दैआ गिख्रंथावै बोहैनानै गोबांरिभेनिउ चार्खोल फारियै सारुपथार, मेरापानि, मरांगि, खुमथायनि सिंनि गामिफोरा लोमनानै जिउ खुंनायाव जेंना खालामदोंमोन।

हरखाबै दै बाना जानायाव गं 99 गामिफोरा लोमनानै 67,725 सुबुंफोरा जेंनाजों मोगो मोगि जानो गोनां जादों आरो गासै 4853 हेक्टर गुवार फोथारनि आबादफोरा खहा जादोंमोन। फारसेथिं मरांगिआव गंसे दालां आरो भालागुरि लामायाव गंसे RCC दालांआ दैजों बुखारजानानै खहा जालाङो।