गुवाहाटी,मार्च 16: गुवाहाटी नोगोरमायाव थानाय असम गन परिसद राजखान्थि दोलोनि मावख’नि लांगोनायाव माखासे धर्ना होगोरि आरो एजिपि दोलोनि गेजेराव दुंहाव थासारि, आयजोफोरखौबो नुनो मोन्नाय जादों।
खौरां मोन्नाय बादिब्ला माखासे पाल्बिकफोरा एजिपि दोलोनि मावख’नि साखाथि एबा लांगोना मोखांनि गेट आव धर्ना होदोंमोन, बे समावनो दुंहाव थासारिआ सोमजिनो मोनो।
धर्ना होगिरि सासे आयजोआ खौरांगिरिनि सिगांआव बुंदोंदि, “जों रावनिबो दोलोनि नङा, एजिपि दोलोनि खामानि मावग्राया जोंनि सासे धर्ना होगिरिखौ गाग्लोबदों, जाय खामानिआ गोरोन्थि जादों, एजिपि दोलोआ जोंखौ नाथ्रोदनानै दोनदों, एजिपि दोलोआ खाफाल गोनां, बिथांमोनहा ओनसोलनि आरो दोलोनि सान्थौफोरखौ नागारनानै बिजेपि दोलोजों लोगोसे सरकार दाफुंनो थाखाय बिजेपि दोलोजों गोरोबथा जाफिनदों, बेयो जोंनि ओनसोलनि राजखान्थि हान्जा, जों एजिपि दोलोखौ मानियो, नाथाय साथाम दैदेनगिरिफोरा जोंनि सानथौ एबा Emotions फोरखौ लानानै राजखान्थि गेलेदों, बिजेपि दोलोजों गोरोबथा जाफिन्नायनि ओंथिआनो जाबाय नोगोरारि सोदांनाय बिल 2016 खौ हेफाजाब होनाय, जाय बिलआ आसाम गोरोबथाखौ सिफायो”।
फारसेथिं लाटासिल पुलस थानानि पुलिस बिफाननि सोद्रोमाफोरा सासे धर्मा होगिरि बिथांनि सायाव सासे एजिपि दोलोनि मावथि आखाय दैखांनायखौ खायो।