Begin typing your search above and press return to search.

जारिमिनारि चरायदेव ओनसोलफोराव सिमा बारनानै थानाय सुबुंफोरखौ होखारनो 24 घन्टा सम होदों

जारिमिनारि चरायदेव ओनसोलफोराव सिमा बारनानै थानाय सुबुंफोरखौ होखारनो 24 घन्टा सम होदों

Sentinel Digital DeskBy : Sentinel Digital Desk

  |  11 Sep 2018 11:24 AM GMT

गुवाहाटी,सेप्तेम्बर 11: जारिमिनारि चरायदेव ओनसोलाव सिमा बारनानै थानाय सुबुंफोरखौ 24 घन्टानि गेजेराव होखारनो थाखाय गोबां फरायसा आफादफोरा जिल्ला खुंथायाव थानाय बिबानगिरिफोरखौ खावलायदों।

जारिमिनारि आरो धोरोम सिबिसालि जायगाफोराव गोबां सिमा बारनानै थानायफोरखौ नोजोर होनानै चरायदेव जिल्ला दुलाराय आसाम फरायसा आफाद, दुलाराय टाय अहम फरायसा आफाद, आसाम जातियतावादि चात्र परिसद, आरो टाय अहम चात्र परिद आसामनि दैदेनगिरिफोरा बुङोदि, “खुंतायाव थानाय सरकारा सिमा बारनानै थानायफोरखौ होबथानो हायाखै आरो रैखाथि होनो हायाखै”।

चरायदेव जिल्ला खमिटी, दुलाराय टाय अहम फरायसा आफादनि आफादगिरि दिगान्ट चांमेय बिथांआ सेंन्टिनेलनि खौरांगिरिनि सिगांआव बुङोदि, चरायदेव मैडान एबो फोथारनि गोबां गुवार जायगाफोरखौ माखासे प्रायभेट खम्पानिफोरा आवग्रिनानै लाबाय, जेरै दारजिलिंनि साहा खम्पानि चरायदेव पर्बत साहा बागानआ जिल्ला खुंथायनि बिफां गायनायफोरखौबो दानफायनानै साहा बागान गायबाय होन्ना बिथांआ बुङो।

चरायदेव जिल्लानि मोनफ्रोमबो फरायसा आफादफोरा 24 घन्टानि गेजेरावनो जायगाखौ स्रां खालामनांगौ होन्ना दाबि दैखाङो।

Next Story