Begin typing your search above and press return to search.

टानटी आरो बसुमथारी बिथांमोनहा एकाडेमिक बान्था मोन्नो हायो

टानटी आरो बसुमथारी बिथांमोनहा एकाडेमिक बान्था मोन्नो हायो

Sentinel Digital DeskBy : Sentinel Digital Desk

  |  6 Dec 2018 9:02 AM GMT

गुवाहाटी,डिसेम्बर 6: आसामनि सानै लिरगिरि टानटी आरो बसुमथारी बिथांमोनहा साहित्य’ एकाडेमिक बान्था 2018 नि थाखाय सायखजायो।

खौरां मोन्नाय बादिब्ला असमिया रावनि लिरगिरि सानान्ट टानटी बिथांआ गांवनि खन्थाय बिजाबनि थुबुर खालामनाय बिजाब “कायलर डिनटु अमर हब” आरो बर’ रावनि रायथाय (Fiction) लिरगिरि रिथुराज बसुमथारी बिथांआ गावनि “दोंसे लामा” रायथायनि थाखाय 2018 माइथायनि साहित्य’ एकाडेमिक बान्थाखौ मोन्नो हायो।

खौरांगिरिनि सिगांआव टानटी बिथांआ बुङोदि, “ आं लिरदों आरो सुबुंफोरनि थाखाय, समाजनि थाखाय, आबहावानि थाखाय आं खन्थाय लिरनो मोजां मोनो, आं खन्थाय लिरनायाव रावनुबो खन्थायजों रुजुनानै नाया, आंनि खन्थायखौ आंनि गोसोजोंनो सान्नानै लिरो, आरो आंनो बे बान्थाखौ नांगौ मानोना आं लोमजानानै दं” होन्ना बिथांआ बुबावो।

टानटी बिथांआ आसाम हादोरसानि सिङाव थानाय करिमगन्ज साह बागानाव 1952 माइथायाव जोनोम मोन्दैमोन। बिथांआ गावनि गुदि फरायसालिखौ बेंगलि रावजों फरायनानै फोजोबो आरो उनाव सिलंआव फैयो,बेनि उनाव गोजौ सोलोंथाय लानो थाखाय जरहात जिल्लायाव फैयो। बिथांआ गोबां बिजाबफोरबो लिरबाय, बेनिनो माखासे बिथांनि बिजाबफोरा जाबाय- उज्जल नक्साट्रर सान्टनात, निजर बुरेद्दि शेस प्रस्ताब, शब्दात अतवा शव्दहिनताट, थुपनिटु केथियाबा बारिसा आहे, धुवा चेयर हपुन, मुर प्रिया हपनर उसरे पाजुरि आरो बायदि बायदि।

1994 माइथायावबो बिथांआ म्रिनालिनि देबि गौस्वमि बान्थाखौ असम कबि समाजनिफ्राय मोनखांबाय। बिथांआ बिर बिर्सा मुन्डा बान्था आरो उसमान आलि सामान्य बान्थाखौबो 2010 माइथायाव सार सापरि साहित्य परिसदनिफ्राय मोनखांबाय होन्ना मिथिनो मोन्नाय जायो।

आसाम हादोरसानि कार्बि आंलं जिल्लायाव 1963 माइथायनि 20 अक्टबराव जोनोम मोन्नाय बर’नि फिसा बसुमथारि बिथांआ असमिया रांजों मास्टार दिग्रि लानानै उट्रिसारनाय बिथांआ बुङोदि, रायथाय लिरगिरि नगेन सायकिया आरो सौरब सालिहा बिथांमोनिफ्राय हाजासे रायथाय लिरनो थाखाय थुलुंगाहोनाय मोनदों, “आं बे बान्थाखौ मोन्नांगौ, बे बान्थाया आंनि थुलाइ सिबिनाय आरो लिरनाय खामानिआव बांसिनै थुलुंगा होगोन” होन्ना बिथांआ बुङो।

बसुमथारि बिथांआ “मोनसे सिमां नेनानै” मुंनि रायथायखौबो लिरदोंमोन होन्ना मिथिनो मोन्नाय जायो।

बिथांमोनहा फैगौ बोसोरनि जानुवारि दाननि 29 अक्टआव गोदान दिल्लीआव थांनानै बान्थाखौ नाजावगोन, जाय बोन्थाया अन्नाय आरो थुलुगाखांहोनानि सिनजों लोगोसे गासै 1 लाख रांनि बान्था।

Next Story
गाहाय रादाब