Begin typing your search above and press return to search.

तामुलपुरनि मनेस्वर बसुमथारिआ जम्मु आरो कश्मीर आव बमा बेरफ्रुनाय जाथायजों मुंख्लं जायो

तामुलपुरनि मनेस्वर बसुमथारिआ जम्मु आरो कश्मीर आव बमा बेरफ्रुनाय जाथायजों मुंख्लं जायो

Sentinel Digital DeskBy : Sentinel Digital Desk

  |  15 Feb 2019 8:01 AM GMT

गुवाहाटी,फेब्रुवारि 15: आसाम हादोरसानि सिङाव थानाय बड’लेन्ड हालामनि मनेस्वर बसुमथारिआ जम्मु आरो काश्मीर आव हरखाब बमा बेरफ्रुनाय जाथायजों मुंख्लं जायो, जाय बिथांआ 98थि सीआरपीएफ बेटेलियननि सासे सोद्रोमामोन।

खौरां मोन्नाय बादिब्ला ब्रिहस्पथिबारखालि जम्मु आरो काश्मीर ओनसोलाव थानाय पुलवामा जिल्लायाव गोहोगोरा IED बमा बेरफ्रुनाय जाथायजों सेंट्रल रिजर्व पुलिस पोर्स (सीआरपीएफ) नि गासै सा 44 सोद्रोमाफोरा मुंख्लं जायो आरो गोबां सोद्रोमाफोरा गाज्रियै जखम जायो। पाकिस्तान हादोराव जोनोम मोन्नाय जाइस-इ-महामद उदखारि हान्जाया बमा बेरफ्रुनाय जाथायजों लोब्बा दं होन्ना सिमान जायो, जाय जाथाया भारतनि रौनिया हान्जाफोरनि गेजेराव गेदेरसिन गाग्लोबनाय।

बसुमथारि बिथांखौ बाक्सा जिल्लानि तामुलपुर ओनसोलाव थानाय कालबारि गामिनि होन्ना सिनायथि मोन्नाय जायो।

आसाम हादोरसानिनो बंगाइगांव जिल्लानि पबित्र बर्मन बिथांआबो बमा बेरफ्रुनाय जाथायाव दं, जाय बिथांखौबो बमा बेरफ्रुनाय लोगो लोगो सुबुं सावस्रि मोखां बिजाबफोराव मुंख्लं जाबाय होन्ना खौरां गोसारलादोंमोन, नाथाय नखरनि सुबुंफोरनिफ्राय खौरां मोन्नाय बादिब्ला बिथांआ बमा बेरफ्रनाय जाथायाव दंमोनब्लाबो इसेल’ जखम जादों आरो दासान्दि मोजाङै दं होन्ना मिथिनो मोनफिन्नाय जायो।

मिथिनो मोन्नाय बादिब्ला ब्रिहस्पथिबाराव सीआरपीएफ रौनिया हान्जानि गासै गं 50 बास गारिफोरा स्रिनगर-जम्मु राजा लामाजों पुलवामा फार्से थांगासिनो दंमोन। बे समावनो गोहोगोरा बमा लानानै सालायबोनाय लादेन SUV गारिआ सीआरफीएफनि बास गारिजों सोवग्रावलायो आरो लोगो लोगोनो हरखाब बमा बेरफ्रुनाय जाथाया सोमजिनो मोनो। सोवग्रावनाय बास गारिआव गासै सा 39 सीआरफीएफ रौनिया हान्जाफोर दंमोन।

बसुमथारि बिथांआ 1971 माइथायाव बाक्सा जिल्लानि कालबारिआवनो जोनोम मोनदोंमोन। बिथांआ गावनि 43 बोसोर बैसोनि आंगो बिसि सानमाती बसुमथारिजों लोगोसे फिसाजो दिदोमस्रि बसुमथारि (BA Pass) आरो फिसाज्ला धनन्जय बसुमथारि (6 Sem) बिथांमोनखौ नागारनानै बे बुहुमनिफ्राय जायगारलाङो। बिथांआ गावनि 48 बोसोर बैसोनि असे बिदा दार्मेस्वर बसुमथारि बिथांखौबो नागारनानै थाङो।

फारसेथिं आसामनि गिबि मंत्री सर्बानन्द सनवाल बिथांआ जाथायखौ गोख्रों रावजों सोंखारियो आरो मुंख्लंफोरनि जिउमाया आलो गोजोन सोर्गोआव जायगा मोनहैथों होन्ना गावनि टुइटार सुबुं सावस्रिनि गेजेरजों इसोरनि खाथिआव आरज गाबो।

Next Story
गाहाय रादाब