गुवाहाटी,अक्टबर 5: थाव बाहायगिरिफोरनि खाफाल गेवनाय बादियै दिनै (सुक्रबार) आसाम सरकारा थावनि बेसेनखौ 2.5 रां खमायना होबाय लोगोसे भारत सरकाराबो सोलिबाय थानाय रांनिफ्राय 2.5 रां दानखनानै होयो। गासै आसाम हादोरसानि थाव बाहायगिरि बिथांमोनहा दिनै हर गेजेरनिफ्राय खम बेसेनावनो पेट्रल आरो डिजेल थावखौ बायनो हागोन होन्ना खौरां मोन्नाय जायो।
मख’नो गोनांदि, दिनै पेट्रेल आरो डिजेलनि बेसेना लिटारसेआव 86.50 आरो 78.91 रां। थावनि रांखौ हादोरसायाव 2.5 रां खमायनायनि जाहोनाव हादोरसा सरकारा गासै बोसोरसेआव 400 रां रिभेनिउ खहा जागोन होन्ना खौरां मोनो।
