दिनैनिफ्राय आसाम बिघान सभायाव रांनि हिसाब लागोन

दिनैनिफ्राय आसाम बिघान सभायाव रांनि हिसाब लागोन

गुवाहाटी,जानुवारि 28: दिनैनिफ्राय (समबार) आसाम बिधान सभानि Budget Session एबा हादोरसा रांनि हिसाब लानाया जागायगोन। नोगोरारि सोदांनाय बिल 2019 नि दुंहाव थासारिफोरखौ नोजोर होनानै आसाम बिधान सभानि साखाथि फाखाथि रैखाथि हान्जाफोरखौ गोख्रोङै थिसन्नाय जादों होन्ना मिथिनो मोन्नाय जायो।

बिधान सभानि नब्लांआव रांनि हिसाब लानायनि सिगां आसम खुंगिरि जगदिस मुखि बिथांआ बिबुंथि लाखिनानै हाबाफारिखौ बेखेवनानै होगोन आरो बेनि उनाव फारि फारि माखासे बिलफोरखौ नब्लांआव फोसावनानै होगोन। रां बिफान्नि मंत्री हिमान्ट बिस्व सर्मा बिथांआ फैगौ 2019-2020 माइथायनि रांनि हिसाबखौ 7 फेब्रुवारि अक्टआव फोसावगोन होन्ना मिथिनो मोनो। बिधान सभानि जथुमाया 26 फेब्रुवारिसिम सोलिबाय थागोन।

खौरां मोन्नाय बादिब्ला दानि रां सान्नाय एबा Budget Session नि जथुमाया गोख्रों बेरेखा हान्जाफोरनि गेजेराव गोबां दान्थे बिदान्थे जागोन। फारसेथिं असम गन परिसद (AGP) ओनसोलनि राजखान्थि दोलोआ बिघान सभानि बुंथिगिरि बिथांनिसिम लाइजाम हरनानै बेरेखा हान्जानि मासिआव जिरायगोन होन्ना मिथिहोहरो।

logo
Sentinal Assam
bodo.sentinelassam.com