गोदान दिल्ली/गुवाहाटी, फेब्रुवारि 1: नोगोरारि सोदांनाय बिल 2019 आरो सेडियुल ट्रायब (एमेन्टमेन्ड) बिल 2019 खौ हेंथा खालामनानै धर्ना होनायफोरा आसाम आरो सा-सान्जा ओनसोलफोराव गोमखांनायलाय आरो खुंथायाव जेंना खालामनायलाय दानि सोलिफुबाय थानाय Budget Session नि जथुमानि थाखाय राज्य’ सभानि गाहाय एम भेनकाइया नायडु बिथांआ रायज्लायनो गोनां माकासे बिलफोरखौ थि खालामबाय आरो थि खालामनाय बिलआव नुनो मोनैलाय नोगोरारि बिल 2019 आरो ट्रायबेल बिल 2019 खौ रायज्लायनायनिफ्राय जानगाराव थागोन होन्ना सनदेह' खालामनानै लानाय जादों।
खौरां मोन्नाय बादिब्ला बे फारिलाइआव नोगोरारि (सोदांनाय) बिल 2019 आरो सेडियुल ट्रायब (आमेन्टमेन्ड) बिल 2019 खौ राज्य’ सभानि सोलिफुबाय थानाय Budget Session नि जथुमायाव रायज्लायनो गोनां फाखासे फारिलाइनि गेजेराव नुनो मोन्नाय जायाखै।
1 फेब्रुवारि 2019 आव सरकार आरो बेरेखा दोलो, लोगोसे गुबुन गुबुन राजखान्थि दोलोफोरा बुजिलायनानै राज्य’ सभानि जथुमायाव माखासे सावरायनो गोनां आरो जेंना गोनां बिलफोरखौ फारिलाइआव रोखा खालामनाय जायाखै। राज्य सभानि जथुमाया 13 फेब्रुवारि 2019 सिम सोलिबाय थागोन। बे जथुमायाव गासै मोन 6 गुबुन गुबुन बिलफोरखौ बिथा खालामनानै सावरायगोन होन्ना मिथिनो मोन्नाय जायो।
गाहायनि माखासे गोनां बाथ्राफोरखौ जथुमायाव सावरायनो थाखाय थांखि लायो।
- The Companies (Amendment) Bill, 2019 to replace Ordinance
- The Trafficking of Persons (Prevention, Protection and Rehabilitation) Bill, 2018
- The Arbitration and Conciliation (Amendment) Bill, 2018
- The New Delhi International Arbitration Centre Bill
- 2019 .The Personal Laws (Amendment) Bill, 2019 (To make leprosy as a ground for divorce)
6.The Aadhaar and other Laws (Amendment) Bill, 2019
मिनिसट्री अफ ल’ एन्ड जास्तिसनि गाहाय रभि संखर प्रसाद, बिजेपि दोलोनि भुपेन्ड्र यादब, कंग्रेज दोलोनि आनन्ड सर्मा, एस पि दोलोनि राम गपाल यादब, बि एस पि दोलोनि सतिस चन्ड्र मिस्रा, टी एम सी दोलोनि देरेक अ ब्रियेन, डि एम के दोलोनि कानिमझि, सी पी एम दोलोनि टी के रांगाराजान, सी पी आइ दोलोनि डी राजा, टी डी पी दोलोनि सी एम रामेस, आर जे डी दोलोनि प्र. मनज झा बिथांमोनहा राज्य सभा जथुमानि सिगां जानाय मेल आव बाहागो लानानै बे थांखिखौ लायो।