पतानजलि य़गपिथ य़गा बोसोनगिरि सतिनात बारलखौ कलकातायाव खानो हायो

कलकाता,अक्टबर 12: सतिनात बारल, पतानजलिनि य़गा बोसोनगिरि, जाय बिथांआ आसामनि धोरोमगुरु स्रिमन्ट संकरदेवनि बेरेखा बुंनानै गासै आसाम हादोरसायावनो जेंना खालामनानै खारखोमालांदोंमोन बे बिथांखौ ब्रिहस्पथिबाराव दरं पुलिसनि नाजानायाव कलकाता नोगोरमायाव खानो हायो।

बिथांआ दरं जिल्लायाव जेब्ला य़गानि बोसोन होगासिनो दंमोन अब्ला असमिया माहारिआ जाय बिथांखौ देरसिन धोरोम सान्नानै सिबिबोगासिनो दं बे बिथांनि धोरोमखौ नंखाय आरो स्रिमन्ट संकरदेबआ गेदेमा मानसि नङामोन होन्नानै बुंनायाव असमिया माहारिनि सुबुंफोरनि गोसोआव रोहो रोहो अर जोंनायबादि जानानै सतिनात बारलनि बेरेखा पुलिसनो FIR होदोंमोन आरो गोख्रों साजा होनांगौ होन्नानै दाबि खालामदोंमोन लोगोसे बे जाथायखौ लानानै पतानजलिनि गुरु बाबा रामदेब बिथांआ असमिया माहारिनाव निमागा हांख्रायहरनो गोनां जादोंमोन।

बिथांखौ खानो हानानै असमिया माहारिनि सुबुंफोरनि गुस्तिआव मिनिनाय आरो दरं जिल्ला फरायसा आफादआ दरं पुलिसखौ साबायखर होयो।