पन्चायत बिसायखथिआव बिजेपि दोलोजों लोगो जाया: अटुल बरा

पन्चायत बिसायखथिआव बिजेपि दोलोजों लोगो जाया: अटुल बरा

जयसागड़,अक्टबर 14: “असम गन परिसदआ(AGP) मोनसे ओनसोलनि राजखान्थि दोलो जाय दोलोआ बे हानि मुंख्लंफोरनि थैजों जोनोम मोन्नाय बेनिखायनो AGP, दैदेनगिरि आरो गाहाय थाखोनि मावथि सोद्रोमाफोरा बे हानि आरो सुबंफोरनि रैखाथि होनायनि बिबान दं। जाय खामानिआ हानि आरो असमिया सुबुंनि थांना थानायनि बेरेखा बे खामानिजों जों माब्लाबाबो मावनो हाया। फैगौ पन्चायत बिसायखथिआव AGP दोलोआ हारसिङैनो बाहागो लागोन आरो भटारफोरजों मोगा मोगि जागोन, जों खुंथायाव थानाय बिजेपि सरकारजों लोगो जाया, AGP दोलोआ BJP दोलोजों गोबां सानथौनि फारागथि दं, नाथाय जों थांनाय बिसायखथिआव कंग्रेज दोलोखौ फेजेन्नो थाखायसो सर्बानन्द सनवाल सरकारजों लोगो जादोंमोन” होन्ना AGP नि आफादगिरि आरो हादोरसा आबाद बिफान्नि मनट्री आमगुरि सुबुं गेलेग्रा फोथाराव 34थि ‘Rising Day’ फालिनायाव बाहागो लानानै आफादनि फिरफिलाखौ बेखेवनानै बे बाथ्राखौ बुङो।

रबिबाराव सिबसागड़ जिल्लायाव थानाय असम गन परिसद दोलोनि दालाइ असम गन परिसदआ आमगुरि सुबुन गेलेग्रा फोथाराव हान्जानि ‘Rising Day’खौ फालिनाय जादोंमोन आरो बे हाबाफारिआव मुंदांखा दैदेनगिरिफोर फारियै- हादोरसा दै बिफान्नि मनट्री केसब महन्ट, हादोरसा आदार आरो सुबुं जगायग्रा मनट्री फानि भुसान चौदरि, बार्ग गिबि मनट्री प्रपुल्ला कुमार महन्ट आरो बार्ग MP बिरेन्द्र प्रसाद बैस्य बिथांमोनहा।

logo
Sentinal Assam
bodo.sentinelassam.com