गोदान दिल्ली/गुवाहाटी,फेब्रुवारि 28: भारतनि बिरखं खामान्डार अभिनन्डन भार्तामान बिथांखौ सुक्रबाराव पाकिस्तान हादोरनिफ्राय हगार हरगोन होन्ना पाकिस्तान हादोरनि गाहाय मंत्री इमरान कान बिथांआ गावनि टुयेटार एकाउननि गेजेरजों फोसावनानै होयो।
गाहाय मंत्री इमरान कान बिथांआ भारत हादोरसिम खौरां हरोदि, बेफोर खामानिखौ मावनायनिफ्राय गोजान जा, नङाब्ला जों जोंखौ रैखाथि होनो थाखाय जायखिजाया खामानि मावनो गोनां जागोन।
पाकिस्तान हादोरनि गाहाय मंत्री बिथांआ बुंबावोदि, “जों गोजोन लुबैयो”, बिथांनि हादोरा भारतनि रौनिया हान्जानि सोद्रोमा, जाय बिथांआ थांनाय 27 फेब्रुवारि आव MiG-21 बिसन बिरखंजों पाकिस्तान हादोरनि LOC सनि सिमा बारलांनानै क्रास्त जानानै गोग्लैहैदोंमोन आरो हमजादोंमोन।
जोहोलाव बिथांनि हमजानाय भिडिअ’आ सुबुं सावस्रि आरो गुबुन गुबुन मेडिआफोराव भाइराल जागासिनो दं, भिडिअ’नि गेजेरजों बिथांआ गावनि थांखि आरो सिनायथिफोरखौ होनायनिफ्राय जानगाराव थानायखौ नुनो मोन्नाय जादों।