बिजनी,सेप्तेम्बर 29: चिरां जिल्लानि बिजनी आन्चलिकनि सिङाव थानाय पानबारि दालाय दुलाराय बर’ फरायसा आफादआ फाग्लि मुंनि बर’ सावथुनखौ गाबोन (30 सेप्तेम्बर 2018) दिन्थिफुंनो आखायाव लाबाय। बे सावथुनखौ पानबारि बारावनो बेलासिनि 5.30 pm आव बेखेवगोन होन्ना खौरां मोन्नाय जाय
बेखेवगिरि आलासि महरै नुजाथिगोन, आजिरा मोन्नाय पानबारि गेजेर फरायसालिनि गाहाय फोरोंगिरि आरो रेडिअ’ आर्टिस सुनिती बसुमथारि बिथांआ, लोगोसे हांख्रायहरजानाय आलासि महरै नुजाथिगोन दाब दाब जायगायाव थानाय सावथुन मुलुगनि फावखुंगुर आरो फावखुंगिरि बिथांमोनहा। बिथांमोनखौ फारियै मोनसोम बर’, बलिउडनि फावखुंगुर सिदार्त बर’, गेमस्रि दैमारि, मेनडेला खामसाव, फामफुलि दैमारि आरो फाग्लि सावथुननि फावगिरि बिथांमोन।
बे दिन्थिफुंनायाव गासै सा 2,000 सुबुंफोरा खेबसेयैनो हायनो हागोन आरो टिकेटनि बेसेनखौ गुबुन गुबुन थाखोआव रान्नानै 100 रांनिफ्राय 200 रांसिम खालामनाय जादों होन्ना खौरां मोनबावो।