गुवाहाटी,फेब्रुवारि 18: हादोरसानि गिबि मंत्री सर्बानन्द सनवाल बिथांआ फैगौ लख सभा बिसायखथिनि बिजेपि दोलोनि राजखान्थियारि सांग्रांथि मावबादा हाबाफारिआव अमिट साहा बिथांनि बिथोन होलांनाय बादियै हादोरसायाव बिजेपि दोलोआ “भारत के मन की बात” हाबाफारिखौ गुवाहाटी नोगोरमायाव दिनै (18 फेब्रुवारि 2019) बेखेवनानै होबाय।
बिसायखथि सांग्रांथियारि मावबादानि हाबाफारि बेखेवनाय हाबाफारिआव गासै मोन 6 गारि (रात्स) खौ बेखेवनानै होयो।
हादोरसानि गिबि मंत्री सर्बानन्द सनवाल बिथांआ गावनि टुयटार एकाउन्टनि गेजेरजों बुङोदि, “आसाम हादोरसाखौ जौगाखां लाबोनो थाखाय, मावफारियानि फारसे राज्यो राजानि बोसोन आरो हेफाजाब नागिरनानै फैगौ लख सभा बिसायखथि 2019 नि “संकाल्प पाट्रा” नि हाबाफारि बादियै”।
https://twitter.com/sarbanandsonwal/status/1097412913235558400
खेवनाय हाबाफारिआव हादोरसा बिजेपि दोलोनि आफादगिरि रन्जित दास बिथांआ बुङोदि, डिजितेल गारिआ आसामनि मोन 33 जिल्लाफोरनि गोथौ गोथौ गामिफोराव हाबनानै सुबुंफोरखौ सांग्रांथि होगोन, जाय गारिआव सुबुंफोरनि बिथिनफोरखौ दैथायहरनो थाखाय मोनसे बाक्सु थागोन आरो बे बाक्सुखौ हादोरनि गाहाय मंत्री नारेन्ड्र मोडी बिथांनो दैथायहरनाय जागोन।
खौरां मोन्नाय बादिब्ला खुंथायनि सायाव साफ्रोमबो गोसो गोनां सुबुंफोरा गाव गावनि बिबुंथिफोरखौ ‘raths’ नि गेजेरजों दैथायहरनो हागोन आरो बे दैथायहरनाय खौरांखौ हादोरनि गाहाय मंत्री नारेन्ड्र मोडी बिथांनो थोंजोङै दैथायहरगोन, जाय खौरांफोरखौ गाहाय मंत्री बिथांआ मोनफ्रोमबो रबिबाराव “अल इंन्डीया रेडिअ” नि गेजेरजों सावरायगोन आरो फोसावनानै होगोन, जाय खौरांकौ बिथांआ “मन के बात” होन्नानै फोसावगोन।
बिजेपि दोलोनि दैदेनगिरि बिथांआ बुंबावोदि, “BHARAT ke MANN ki BAAT” गारिआ गामियारि ओनसोलफोराव हाबहैगोन आरो साफ्रोमबो ओनसोलनि सुबुंफोरा गाव गावनि सान्नाय हनाय आरो लुबैनायफोरखौ गादोरनि गाहाय मंत्री नारेन्ड्र मोडी बिथांनिसिम दैथायहरनो हागोन।