बिजेपि सरकारनि दैदेन्नायाव आयजोफोरा रैखाथि गैया: महिला कंग्रेज

गवालपारा,सेप्तेम्बर 20: बुधबाराव गवालपारा जिल्लायाव थानाय खगेन्द्रनात भबन कंग्रेज कमिटीनि मावख’आव गवालपारा जिल्ला महिला कंग्रेज कमिटीआ आफादनि फिरफिला सायख’ना गनायथि लानायनि मेल लायो आरो बिजेपि सरकारनि दैदेन्नायाव आयजोफोरा रैखाथि गैया होन्ना बुङो।

बे हाबाफारिआव महिला कंग्रेज कमिटीनि आफादगिरि जयमति नात बिथांआ बिजेपि दोलो आरो मिर सरकारखौ बायदि बायदि रावजों सोंखारियो। बिथांआ बुङोदि, बिजेपि दैदेन्नाय सरकाराव आयजोफोरनि आरो गथसाफोरनि जेबो रैखाथि गैया। “गाहाय मनट्रीआ बेटी बचाओ बेटी पढ़ाओ स्किम फोसावदोंब्लाबो हादोरनि आयजोफोरा रैखाथि मोनाखै” होन्ना बिथांआ बुङो।

ओनसोलनि दैदेनगिरि फारियै, दिगान्ट राभा, APCCनि नेहातारि आरो जिल्ला आफादगिरि आल्लाज आबु सायेत बिथांमोनहाबो बुङोदि, कंग्रेज महिला कमिटीनि गोदान फिरफिलाया आयजोफोरनि सांग्रांति आरो रैखाथिखौ गोथारै फोरमायदों जाय पिरफिलाखौ कंग्रेज दोलोआ आगस्त दानाव फोसावदोंमोन।