बिसायखथि बिफाना पन्चायत बिसायखथिनि थाखाय माखासे आयेन फोसावदों

गुवाहाटी,डिसेम्बर 4: फैगौ पन्चायत बिसायखथिखौ नोजोर होनानै भट होगिरिफोरनि थाखाय हादोरसा बिसायखथि बिफाना माखासे आयेन फोसावदों आरो साफ्रोमबो भट होगिरिफोरखौ मानिनानै मोजाङै खुंफुंनायाव हेफाजाब होनो खावलायदों।

खौरां मोन्नाय बादिब्ला भट होगिरिफोरा फैगौ 5 डिसेम्बराव फुंनि 7 रिंगानिफ्राय बेलासिनि 3 रिंगानि गेजेराव गाव गावनि बेसेनगोसा भटखौ होनो हागोन।

भट होगिरिफोरा गाव गावनि सिनायथिनि फोरमान बिलाइ (Identity Proof) लाबोफानो खावलायनायजों लोगोसे बिथांमोनहा बुङोदि, जेब्ला भट सोग्रा मिरुसिम फैगोन अब्ला जायखिया बिजाथिजों (Candidates) भट होगिरिफोरखौ लाइनो थाखाय दैथायहरनाय गारिफोरजों फैनो नाङा होन्ना खावलायबावो।