भाजपेयीनि सावनाय हांगारआ बुधबाराव गुवाहाटीसिम सफैगोन

गुवाहाटी: आगुनि गाहाय मनट्री, अटुल बिहारि भाजपेयीनि सावनाय हांगारखौ आसामनि बुरलुंबुधुर आरो बराक दैमायाव फोजाव हरनो थाखाय बुधबाराव गुवाहाटी नोगोरमायाव लाबोनाय जागोन होन्ना खौरां मोनो।

भाजपेयीनि नखरनि सुबुंफोरा बिथांनि सावनाय हांगारखौ रबिबाराव हारिदवारनिफ्रा दैनि बिमा गंगायाव फोजावहरनाय जायो। फोजावहरनाय हाबाफारियाव बि.जे.पि बान्जानि आफादगिरि आमित साहाजों लोगोसे गोबां सोद्रोमाफोरा बाहागो लादोंमोन होन्ना खौरां मोनबावनाय जायो। बिजेपिनि दैदेनगिरिफोरा बिथांनि सावनाय हांगारखौ हादोरनि मोन 100 गोथार दैमाफोराव फोजाव हरनो थांखि लानायबादि आसामनि बिजेपि आसाम प्रदेसआ गोदान दिल्लीआव थानाय बिजेपिनि गाहाय मावख’निफ्राय बिजेपि दैदेनगिरिनि बिथोन बादि नोगोरमायाव 22 आगस्तआव लानानै फैगोन।

गुवाहाटीआव थानाय अटुल बिहारि भाजपेया भबनानिफ्राय खौरां मोन्नाय बादिब्ला, हादोरसा बिजेपिनि आफादगिरि रन्जित कुमार दासआ दिनै गोदान दिल्लीआव बिथांनि हांगारखौ लायनो थांगोन आरो बिथांआ गाबोननि 2:30 pm आव गुवाहाटीआव थानाय गपिनाथ बरदलय इंथारनेसनेल एयार पर्त(LGBI) आव मोनफैगोन, बे सानआवनो हादोरसानि बिजेपि दोलोनि गिबि मनट्रीजों लोगोसे बिजेपि एम.पि, एम.एल.ए आरो गुबुन गुबुन सोद्रोमाफोरा नाजावगोन।