भारतीय आर्मिआ मावरिया गथसाफोरनो लोंनाय दैनि सुबिदा जगायदों

बंगाइगांव,नवेम्बर 15: चिरां जिल्लानि कोयला मैला ओनसोलनि गोग्लैसोनानै थानाय गामि सिङाव भारतीय’ आर्मि बिफान्नि रेड हर्न बिफाना बिमा बिफा गैजायै निचिमा मावरिया गथफोरनो Operation Sadbhavana नि हाबाफारि बादियै बायदि बायदि मुवा बेसादनि अन्सुंथाय गथायदों।

खौरां मोन्नाय बादिब्ला चिरां रेड हर्न बिफाना बिसिना, मेट्रेस, दायनिं टेबिल, चियार आरो लोंनाय दैनि सुबिदा बादियै दै फिल्टार खालामग्रा (RO Water Purification) फोरखौ गथायदों होन्ना मिथिनो मोन्नाय जायो।

आर्मि बिफान्निफ्राय खौरां मोन्नाय बादिब्ला बेफोर खामानिफोरखौ गोग्लैसोनानै थानाय गामिफोरनि मेगन नुयै उन्दै उन्दै गथसाफोरखौ हेफाजाब होनानै जौगाहोनायजों लोगोसे बिथांमोनि थांनानै थानाय थासारिफोरखौ साबखांहोनाय। निचिमा मावरिया न’आव गासै सा 15 हौवासा आरो सा 10 हिन्जावसाफोर दं होन्ना बिथांमोनहा जौंनिसिम फोरमायहरो।