गुवाहाटी,सेप्तेम्बर 11: थानाय दानन्फ्रायनो भरत रांनि बेसेना खमायनायनिफ्राय खमायलांगासिनो दं। समबाराव गोदानानै 72.67 आव दावखोनाया भारतनि जारिमिन जानानै थाबावो। सिगां भारत रांनि बेसेना आमेरिकान डलारजों रुजुनायाव 71.73 रांआव दावखोनानै दंमोन।
मखनो गोनांदि भारत रांनि बेसेन खमायनाय मानि आमेरिकान डलारनि बेसेन बारायनाय। बेबादिनो 1$ मोन्नो थाखाय भरतनि रांखौ 72.67 होनांगौ जायो, जायनि जाहोनाव हादोरनांआरि बेफार फालांगियारि बिथिंआव खमायगासिनो आरो पेट्रल, डिजेलनि बेसेना बारायलांगासिनो दं।
बेबादि रांनि बेसेना सानफ्रोमबो सोलाय-सोल’ जाबाय थानायनि जाहोनाव फालांगिरिफोरा भारत हादोरनि कम्पानिफोराव रां गारनो हाया मानोना बिथांमोनहा मुलाम्पाखौ नुहरा।