मरिगांव जिल्लायाव टिवाफोरनि आफादआ MLA रामाकान्त देउरिनि मुसुखा सावदों

मरिगांव,नवेम्बर 29: टिवा जाटीय आक्या मन्चा (TJEM), दुलाराय टिवा फरायसा आफाद (ATSU), टिवा लाइमोन फरायसा आफाद (TYCP), अल टिवा प्रटेक्सन कमिटि (ATPC) आरो दुलाराय टिवा आयजो आफादनि सोद्रोमाफोरा TJEM आफादनि आफादगिरि अनिल फामजांग आरो ATPC आफादनि गाहाय नेहाथारि बिनान्ड पाटर बिथांमोनि दैदेन्नायाव बुधबारखालि MLA रामाकान्ट देउरि बिथांनि मुसुखा बानायनानै सावदों।

खौरां मोन्नाय बादिब्ला MLA रामाकान्ट देउरि बिथांआ टिवा सुबुंफोरनि बेरेखायै मुं-सुनानै बिखायाव नांनाय बाथ्रा बुंदोंमोन।

टिवा आफादनि सोद्रोमाफोरा MLA रामाकान्ट बिथांखौ जाहाथे इउनाव जेबो टिवा सुबुंफोरनि बेरेखायै बाथ्रा बुङा बेनि थाखाय हुमकि होयो। आफादफोरा बुङोदि, MLA आ टिवा सुबुंफोरखौ गोरलैयैनो फुस्लायनो हायो होन्नानै टिवा सुबुंफोरनि गुनखौ गुनजेर अरहोदों।

जायखिजाया सुबुंफोरानो टिवा सुबुंफोरनि भटफोरखौ पन्चायत बिसायखथिनि थाखाय 12 रांआवनो बायनो हायो होन्ना MLA बिथांआ बुंदोंमोन।