ककराझार,जुन 28: ब्रीहस्पथिबाराव BTC नि Chief हाग्रामा महिलारिया गसायगावनि गोनखोआरि सिभासिस कारनो बावैसो जानबुंजों 3D Live Chat खालामनो हानाय गोहो दिहुन्नायनि थाखाय 5 लाक रां गथायदों। BTC सेक्रेथायियेटनि मेल जाग्रा खथायाव खौरांगिरिफोरखौ लोगो हमना बिथां महिलारिया बुङोदि- बिथाङा गोनखोआरि कारनो रांआरि हेफाजाब होनानै मावनो लानाय Project खौ मावफुंनायाव हेफाजाब होदों बेबादियैनो कोथा होनाय बादि 5 लाक रां गथायदों होन्ना बिथाङा बुङो।
महिलारिया बुंबावोदि नोगोद 2.5 लाक रांखौ BTC सरकारनिफ्राय आरो 2.5 रांखौ BPF हान्जानिफ्राय होदों लोगोसे बिथांआ मिजिंथिदोंदि गोनखोआरि सिभासिसनि मावनो लानाय खामानिया जाफुंगोन आरो ओनसोलनि सुबुंफोरा बेनि फिथायखौ मोनजागोन। बिथां महिलारिया बे Project खौ मावफुंनायाव गावनि खुंथायाव जेबो हेंथा गैया आरो गोनां जायोब्ला हा हगारना होबावगोन होन्ना बुङो।
फारसेथिं गोनखोआरि सिभासिस कारा बुङोदि- बिथाङा गुबुन हादोरनि खम्पानिफोरजों मावगासिनो दं आरो BTC ओनसोलावबो मावफुंनो खामानिफोर सोलिगासिनो दं लोगोसे बिथांनि खम्पानिया ककराझाराव मावख’ गायसंगोन आरो बे फालांगियाव सोलोंथाय बिथिंआव बांसिन बेनि फिथायखौ मोनजागोन होन्ना बिथां कारआ बुङो।