Begin typing your search above and press return to search.

माता अम्रितानान्दामायी बिथांआ पुलवामा जाथायनि मुंख्लंफोरनि नखराव 5 लाख रांनि अनसुंथाय गथायगोन

माता अम्रितानान्दामायी बिथांआ पुलवामा जाथायनि मुंख्लंफोरनि नखराव 5 लाख रांनि अनसुंथाय गथायगोन

Sentinel Digital DeskBy : Sentinel Digital Desk

  |  23 Feb 2019 12:49 PM GMT

गुवाहाटी,फेब्रुवारि 23: थांनाय 14 फेब्रुवारि 2019 अक्टआव जम्मु आरो काश्मीर हादोरसानि पुलवामा जिल्लायाव उदखारि हान्जानि गाग्लोबनायाव सा 40 निबो बांसिन सीआरपीएफ रौनिया हान्जानि मुंख्लं जालांनाय नखरफोराव माता अम्रितानान्दामायी मेत बिथांआ साफ्रोमनोबो 5 लाख रांनि अनसुंथाय गथायगोन।

खौरां मोन्नाय बादिब्ला माता बिथांआ आसाम हादोरसानि बाक्सा जिल्लानि सिङाव थानाय तामुलपुर ओनसोलनि मनेस्वर बसुमथारि बिथांनोबो 5 लाख रांनि अनसुंथायखौ गथायगोन, जाय बिथांआबो पुलवामा जिल्लायाव इस्लामिक उदखारि हान्जाफोरनि गाग्लोबनायाव मुंख्लं जालांदोंमोन।

हादोर रैखाथि जोहोलावफोरनि गोबां जोहोलाफोर मुंख्लं जालांनायखौ हादोरनाङैनो दुखु मोनदों होन्नानै माता बिथांआ बुङोदि, हादोर रैखाथि होनाय धोरोमखौ फालिनायाव जाय बिथांमोनहा गावसोरनि बेसेनगोसा जिउखौ बावलांबाय, बिथांमोनि नखरखौ अन्नाय आरो हेफाजाब होनायानो जोंनि धोरोमआंनि बिखानि अन्नाया बिथांमोनि नखरनि फार्सो दं, आसा खालामो जों बयबो बिथांमोनि गोजोन नखर दाफुंनायाव आरज गाबगोन होन्ना बिथांआ बुंबावो।

माता अम्रितानान्दामायी मेत बिथांआ जेब्ला भारता यात्रा 2019” हाबाफारि लानानै माइसुर फारसे आगान सुरलांगासिनो दंमोन बे समावनो गिबि थाथनाय समाव बिथांआ मुंख्लंफोरनो 5 लाख रांनि अनसुंथायखौ फोसावो।

Next Story
गाहाय रादाब