मावथि ब्रम्ह हाजवारिआ UPPL नि नेहाथारि बिबानखौ रुजुनबाय
क’कराझार,नबेम्बर 4: सनिबाराव इउनायटेट पिपल्स पार्टि लिबारेल (UPPL) राजखान्थि दोलोनिफ्राय बिटिची खुंथायनि MCLA बिबानाव थाबोनाय मावथि ब्रम्ह हाजवारि बिथांआ UPPL नि गाहाय नेहाथारि बिबानखौ रुजुनबाय।
खौरां मोन्नाय बादिब्ला बाक्सा जिल्लानि मुसलपुराव मेल खुंनायनि गेजेरजों UPPL दोलोनि मावफुं आफादनि सोद्रोमा प्रदिप ब्रम्ह बिथांनिफ्राय मासिखौ नाजावनानै लाबाय होन्ना मिथिनो मोन्नाय जायो।
UPPL राजखान्थि दोलोनि आफादगिरि उरखाव गोरा ब्रम्हआ फोरमायनाय बादिब्ला मुसलपुराव गोजाम आफादखौ सिफायनानै गोदान आफाद दानो थाखाय मेल खुंदोंमोन आरो गोदान सुबुंफोरा गोदान आफादनि बिबानखौ रुजुनबाय। बेबादिनो मावफुं ब्रम्ह हाजवारि बिथांआ दोलोनि गाहाय नेहाथारि बिबानखौ रुजनबाय होन्ना बिथांआ फोरमायो।
गोदान मावफुं आफादनि समायखिरा लानाय हाबाफारिखौ आफादनिनो आफादगिरि उरखाव गोरा ब्रम्ह बिथांआ दैदेनदोंमोन आरो मेलनि गेजेरजों धोला-सादिया जाथाखौ गोख्रों रावजों सोंखारिनायजों लोगोसे दायनिगिरिखौ थाबैनो खानांगौ होन्ना बिथांमोनहा बुङो।
