मिरु सरकारा ABSU आरो PJACBM जों बदलैड दाबिखौ लाना सावरायदों
गुवाहाटी,जुलाइ 5: से बोसोर जालांनायनि उनाव मिरु सरकारा गोबाव सम जालांनाय बदलैड जेंनाखौ लानानै ABSU आरो PJACBM जों थाम खनायारि सावरायदों। नखर मनट्रि राजनात सिंहआ गावनो बरफोरनि जेंनाखौ सुस्रांनायनि लामा लागोन होन्ना बुङो।
बुथबाराव मिरु सरकारा आसाम सरकार आरो हांख्रायहरजानाय बर’फोरनि हान्जा दुलाराय बर’ फरायसा आफाद (ABSU) आरो Peoples Join Action Committee for Bodoland Movement (PJACBM) जों बदलैड जेंनाखौ लानानै थाम खनायारि सारायो। नकर मनट्रि राजनात सिंह आ बे सावरायनायखौ दैदेनो आरो जेंनाखौ सुस्रांनो थाखाय गावनो बिबान लागोन होन्ना मिथिहोयो लोगोसे सावरायनायखौ थाब थाब लांबायथागोन होन्ना बुङो।
जेब्ला बर’ दैदेनगिरिया जेंनानि फारसे नायबिजिरनो थाखाय सेनियर मिरु सरकारनि मनट्रि थिसन्नो दाबि दैखाङो अब्ला राजनात सिंहआ गावनो नायबिजिरगोन होन्ना बिबान लायो।
राजनात सिंनि मेल दैदेन्नायाव मिरु सरकारनि नकर मनट्रि नेहाथारि राजिब गौडा, स्पेसियेल नेहाथारि रिना मिताल, सा सान्जा ओनसोलनि लोगो नेहातारि सातेन्द गार्द, फारसेथिं आसाम सरकारनि जानानै State Irrigation मनट्रि भाबेस खलिथा, Chief Secretary TY Das, DGP कुलदार सायकिया, आरो Special DG पल्लब बाताचार्य।
बर’ नि सा 16 मेम्बारफोरा जादों फारियै- ABSU नि आफादगिरि प्रमद बर’, नेहाथारि लरैन्स इसलारि, आरो PJACBM नि Chief Convenor राकेस बर’, लोगोसे आगुनि लकसभा MP सानसुमा कुंगुर बैसोमुथियारि, आरो आगुनि राज्य' सभानि MP उरकाव गोरा ब्रम्ह बिथांमोनहा बाहागो लादोंमोन।
“जोंनो बरफोरनि थाखाय अरायनिथाखाय थार बिजिरनाय नांगौ।सरकारा जोंखौ सम लायै सम रायज्लायनो लिंहरगासिनो दं मानोना बेयो 2014 माइथायव BJP सरकारा बुनाय नाथाय ब्रै बोसोर बारलांब्लाबो जोंनि जेंनाखौ सुस्रांना होआखै” हैन्ना प्रमद बरआ बुङो।
बावैसो रायज्लायनायखौ जों गोजोन्नाय मोनदों मोनोना जोंनि दाबिखौ बिथा खालामनानै सरकारा जोंजों रायज्लायदों। बिसोरो जोंखौ मिथिहोयोदि बिथांमोनहा फैबाय थानाय समफोराव जेंनाखौ लानानै थाब थाब सावरायगोन। जों लुबैदोंदि बर’फोरा थाबैनो थार बिजिरनाय आरो सिनायथिखौ मोनगोन होन्ना बिथां बरआ बुंबावो।
