मेट्रिक आन्जाद, माद्रासा आन्जादआ दिनैनिफ्राय जागायबाय

गुवाहाटी,फेब्रुवारि 14: ब्रिहस्पथिबारनिफ्राय खुंफुंजानो लागा देग्लायनि हाइस स्कुल लिविं चार्टिपिकेट (HSLC) एबा मेट्रिक आन्जाद आरो हाइ माद्रासा आन्जाव गासै सा 3,52,143 फरायसाफोरा आन्जादआव जिरायगोन। बेनिनो सा 3,42,702 फरायसाफोरा HSLC आन्जाद आव जिरायगोन आरो सा 9,441 फरायसाफोरा हाइ माद्रासा आन्जादआव जिरायगोन।

खौरां मोन्नाय बादिब्ला मेट्रिक आन्जाद आरो हाइ माद्रासा आन्जादनि थाखाय हादोरसायाव गासै मोन 38 जन आव बोखावनाय जादों, बेनिनो गेजेराव गासै गं 11 आलादा मिरु खालामनानै गं 857 आन्जाद मिरुफोरखौ फसंनाय जादों। बे बाथ्राखौ बर्ड अव सेकेन्डारि इडुकेशन, आसाम (SEBA) आ बुधबाराव फोरमायो।