बिजनी,सेप्तेम्बर 1: बोडोलैंड ओनसोलनि चिरां जिल्लानि सिङाव थानाय बिजनी फरायसालिमायाव बोसोरफ्रोमबो फालिबोनाय बादि देग्लायबो 35थि लक्षेस्वर ब्रम्हनि मुंख्लं सान आरो 27थि गोसोखां सान फालिनाया बिजनी सोलोंसालिमा बर’ थुनलायारी आफादनि बान्जायनायाव दिनैनिफ्रा साननैनि हाबाफारि लानानै जागायबाय।
बे हाबाफारिआव आसामनि गुबुन गुबुन फरायसालि, फरायसालिमानि फरायसा-फरायसुलिफोरा गोबां बायदि बायदि रोखोमनि बादायलायनायाव बाहागो लागोन होन्ना खौरां मोन्नाय जायो।