जरहात,जानुवारि 24: डिसट्रिक इन्परमेशन एन्ड पाब्लिक रेलेशन ऑफिसारनिफ्राय (DIPRO) प्रेस बिबुंसारनि गेजेरजों मोथिनो मोन्नाय जायोदि, जरहात जिल्लानि मारियानि (पुकुरि) मिलिटारि बादायाव फैगौ मार्ट दाननि 2 अक्टनिफ्राय 9 अक्ट’सिम आर्मि साख्रिआव सोद्रोमा थिसन्नो आर्मि खारनाय आरो सायखनाय हाबाफारि लागोन।
DIPRO निफ्राय मिथिहोयोदि, आसाम हादोरसानि सिङाव थानाय गुबुन गुबुन जिल्लाफोर फारियै- कार्बि आंलं, डिब्रुगड़, लक्किमपुर, थिनसुकिया, धेमाजि, सिबसागड़, चरायदेव, गलाघात, माजुलि आरो जरहात जिल्लाफोरनि थाखाय आर्मि बिफान्नि गुबुन गुबुन मासि खालि जानानै थानाय मासिफोरखौ सुफुंनो थाखाय आर्मि साख्रिआव सोद्रोमा थिसनगोन।