गुवाहाटी,अक्टबर 23: गोदान दिल्लीआव नोगोरारि (सोदांनाय) बिल 2016 खौ नोजोर होनानै भारत सरकारनि नखर मनट्री आरो जयेन्ट पारलियामेन्टारि खमिटीनि गेजेराव 23 अक्टबराव जानो गोनां मेलनि सिगां सासे जयेन्ट पारलियामेन्टारि खमिटीनि सोद्रोमा भुबनेस्वर कलिता बिथांआ बुङोदि, मिरु सरकारनि मावथांखि लानाया सा-सान्जा ओनसोलखौ उदां खालामनांगौ।
आसाम हादोरसानिफ्राय कंग्रेज दोलोनि राज्य' सभानि MP बिथांआ बुंङोदि, जुदि बे बिलखौ पारलियामेन्टआव सोदांगोन अब्ला आसाम आरो सा-सान्जा ओनसोलफोरनि थाखाय गोबां खहा जागोन, जाय जायगाया आयेन बेरेखायै हाबफैनाय सुबुंफोरनि जेंनाजों मोगा-मोगि जानानै दं।
बिथांआ सान्दोंदि, नोगोरारि (सोदांनाय) बिल 2016 आ आसाम आरो सा-सान्जा ओनसोलफोराव समाजआरि जेंना आरो आयेन आब्रुथिनि जेंना खालामगोन । जुदि मिरु सरकारा बे बिलखौ पारलियामेन्टआव सोदांगोन अब्ला नोजोर होनांगोनदि जाहाथे सा-सान्जा ओनसोलखौ उदां खालामनानै होयो आरो बे बिलखौ माब्लाबाबो सा-सान्जा ओनसोलाव सोदांनो हाया होन्ना बिथांआ बुंबावो।
दिनै मिरु सरकारनि नखर बिफान, जयेन्ट पारलियामेन्टारि खमिटी, आयेन & आब्रुथि बिफान आरो लिगेल बिफाननि मनट्रीफोरजों नोगोरारि (सोदांनाय) बिल 2016 खौ लानानै जयै सावरायगोन होन्ना मिथिनो मोन्नाय जायो।