गुवाहाटी,सेप्तेम्बर 14: सा-सान्जा रेल बिफाना 2020 माइथायनि सिगां ओनसोलाव थानाय मोनफ्रोमबो हादोरसानि मोन दाइन राजथावनिआव रेल लामाफोरखौ फोनांजाबनो मावथांखि लायो।
सा-सान्जा रेल बिफान्नि सुबुं फोनांजाब अफिसार पि.जे सर्मा बिथांआ डिजीटेलनि गेजेरजों सा-सान्जा ओनसोलनि ‘Ministry of Information and Broadcasting’ डायरेक्टर जेनेरेल कुलदिप सिंह धाथवाला बिथांनो दिन्थिफुंनानै बुङोदि, 2020 माइथायनि सिगां सा-सान्जा ओनसोलनि मोनफ्रोमबो हादोरसानि राजथावनिखौ रेल लामाजों फोनांजाबनायजों लोगोसे मयनमार, बांग्लादेस आरो नेपाल हादोरफोरखौबो फोनांजाबनायनि मावथांखि लागासिनो दं। अरुनाछल प्रदेस हादोरसानि टावांखौबो फोनांजाबनो थाखाय सारभे खालामगासिनो दं होन्ना सर्बिमा बिथांआ फोरमायबावो।
दानि सोलिफुबाय थानाय रेल लामानि खामानिफोरखौ नोजोर होनानै बुङोदि, रेल लामाफोरखौ जेंना गोनां जायगाफोराव गोनखोआरि आदबजों बानायनाय जादों जेबो गिनांगौनि बाथ्रा गैया, भरतनि रेल बिफाना सुबुंफोरनि रैखाथिखौ नोजोर होबोगासिनो दं।