सा 3 लाइमोनफोरा 'सेल्पि' लानायाव दैमाजों बुखारलांजायो

मार्गेरिता,जानुवारि 31: दिनैनि फुंबिलिआव थिनसुकिया जिल्लानि सिङाव थानाय मार्गेरिता ओनसोलनि बुरहिदिहिं दैमानि सेराव लांवखार ओंखाम जानो थांनायाव 'सेल्पि' लानाय समावनो जाब्रबथायजों दैमानि दैआ सा 3 लाइमोनफोरखौ बुखारनानै लाङो।

फुलिसनिफ्राय खौरां मोन्नाय बादिब्ला हिन्जावसाफोरा गावसोरनि फरायसालिनि लोगोफोरजों बुरहिदिहिं दैमानि सेराव लावखार ओंखाम जानो थांफादोंमोन।

सा 3 लाइमोनखौबो बर्गलाइ आदर्स हिन्दी गोजौ फरायसालिआव फरायगासिनो दंमोन होन्ना खौरां मोनबावनाय जायो।