गुवाहाटी,अक्टबर 10: गोमोथावै खामरुप जिल्लानि सिङाव थानाय आग्याटुरि दादारा दालाइ स्टेट बेंक अव इंन्डियानि (State Bank of India) सासे हिन्जाव अफिसारखौ सोरबा सिनायनो मोनै लकेल गुन्डाया बेंकनि लांगोना मोखांआव गावथारनानै थाङो।
गावथारजानाय बिथांखौ दादारा दालाइ SBI नि अफिसार जानु सर्मा होन्नानै मिथिनो मोन्नाय जायो। बिथांआ जेब्ला बेंक मावख’निफ्राय ओंखारनानै गावनि गारिजों गुवाहाटी फारसे आगान सुरदोंमोन बे समावनो सानै मटर साइकेलजों फैनाय लकेल गुन्डाफोरा खाथिनिफ्रायनो गावनानै थाङो।
गावजानाय हिन्जावखौ खाथिनि नारायना ह्रुदालया देहा फाहामसालिआव थिसनदोंमोनब्लाबो बिथांखौ देहा फाहामसालिनि मावख’निफ्राय जोबथा हां बोबाय होन्ना मिथिहोयो।
हिन्जाव अफिसारा गावनि Eon Car As-01-AG-6869 जों थांगासिनो दंमोन। सोंनाय फिन्नाय खालामनो थाखाय गारि सालायगिरि (Driver) खौ फुलिसआ खायो।