सिरां जिल्लायाव रेल जाब्रबथाजों सानै सुबुंनि जिउ खहा आरो गुबुन साथाम सुबुंआ गोब्राब जखम

बंगाइगांव,जानुवारि 28: थांनाय रबिबारनि मोनाब्लिनि 9:30 रिंगासोआव सिरां जिल्लानि पेतेलागांव होन्नाय ओनसोलाव रेल गारिनि जाब्रबथायजों सानै सुबुंनि जिउ खहा आरो गुबुन सा थाम सुबुंआ गोब्राब जखम जायो। जिउ गोमानांनाय सानै सुबुंखौबो बंगाइगाव जिल्लानि सुंगापता ओनसोलनि थागिरि आरो रेल बिफान्नि बार्ग खामानि मावगिरि सायलेन दास आरो दिलिप देब होन्नानै सिनायथि मोन्नाय जायो।

खौरां मोन्नाय बादिब्ला बिथांमोनहा नं AS 19 Ac 1136 गारिजों लावखार ओंखाम जानो थांगासिनो दंमोन, साहा फैबायथानाय लखमैन्य चिलक एक्सप्रेस रेल गारिजों बिथांमोनहा मोगा मोगि जानानै सोवग्रावलायो। जाथायजों सानै सुबुंआ जायगायावनो जिउ खहा जायो आरो गुबुन सा 3 सुबुंफोर फारियै- आसिस बाटाचार्य, बिथु बाटाचार्य, आरो अरुन चन्ड्र नात बिथांमोनखौ फाहामथाय होनो थाखाय देहा फाहामसालिसिम दैथायहरो।