गुवाहाटी: दिब्रुगड़ जिल्लायाव थानाय नाहरकटिया पुलिस थानायाव सोनाब बेंगलनि गिबि मनट्री ममता बेनारजिनि बेरेखा NRC खौ लानानै साबजाथावै राव बुंनायनि थाखाय भारतीय जनता युवा मर्चाया(BJYM) FIR होयो। साथाम BJYM नि सोद्रोमा फारियै दुलियाजाननि जगदिस सिंह, नाहरकथियानि आमुल्य सेंगियारि आरो जयपुरनि म्रिदुल सायकिया बिथांमोनहा पुलिस थानायाव अजद होनानै गिबि मनट्री ममता बेनारजिनि गनाय जाथावै राव, जाय रावआ आसामनि थासारिफोरखौ गुलाय गुजाय लाबोनो हागौ बेनि फारसे नोजोर होनानै बिथांनि बेरेखा FIR होयो।
मख’नो गोनांदि थांनाय समबारनि 30 जुलाइआव NRC नि जोबथा आबुं फारिलायखौ फोसावदोंमोन जाय फारिलायाव सा 40 लाख सुबंफोरनि मुंफोरा नुजायाखौ जायनि जाहोनाव गिबि मनट्री ममता बेनारजिआ बेंगलिफोरखौ आसामनिफ्राय होखारहरनो सरजन्ट्र खालामदों होन्ना बुंदों।