हरखाबै भट सोगिरि मुंनि फारिलाइआव मुं सोदांनो होंगो-दोंगो

हरखाबै भट सोगिरि मुंनि फारिलाइआव मुं सोदांनो होंगो-दोंगो

गुवाहाटी: हादोरसायाव एन.आर.ची सोदांनाय खामानिफोरा सोलिगासिनो दंब्लाबो हादोरसा बिसायखथि बिफाननि बिथोन होनायाव गोमोथावै हरखाबै माखासे थाखोनि सुबुंफोरा गाव गावनि मुंफोरखौ भट सोगिरि मुंनि फारिलाइआव सोदांनो थाखाय गोब्राबौ नाजागासिनो आरो होंगो-दोंगो जागासिनो। माखासे थाखोनि सुबुंफोरा बुङोदि, बिथांमोनहा सनदेह’ थानाय भट सोगिरि नङा नाथाय ‘D’ Voter नि मुंआव जोमैआ अख्रांआव नांथानानै थानाय बादि दंगासिनो। बिथांमोनहा गाव गावनि मुंफोरखौ ‘D’ Voter नि फारिलाइनिफ्राय बोखारनो नाजागासिनो दं।

हादोरसानि बिसायखथि बिफाना (State Election Commission) खौरां मोन्नाय बादिब्ला थांनाय दान मोनसेनिफ्रायनो गासै मोन 100 सो सुफुं बिलाइफोरा जमा जानानै दंफोयो। बैफोर सुफुं बिलाइफोराव माखासे सनदेह’ थानाय एबा ‘D’ Voter फोरनि मुंफोरखौबो नुनो मोन्नाय जादों। बिथांमोनहा बुङोदि, बिथांमोनहा सनदेह’ थानाय सुबुं नङा नाथाय मुंफोरा ‘D’ Voter नि फारिलाइआव जोमैआ अख्रांआव थाबथानाय बादि दंगासिनो। बिथांमोनहा गाव गावनि मुंफोरखौ ‘D’ Voter नि फारिलाइनिफ्राय बोखारनानै भट सोगिरि मुंनि फारिलाइआव थाबैनो थिसननांगौ होन्ना बुंबावो। हादोरसा बिसायखथि बिफाना मिथिनो लुबैदोंदि-मानि थाखाय माखासे थाखोनि सुबुंफोरा मुंफोरखौ फारिलाइआव सोदांनो थाखाय हांखुर जादों जेराव हादोरसा बिसायखथि बिफाना खामानि मावनायनि बिबानखौ लाथ'आखै।

हादोरसा बिसायखथि (SEC) बिफाननि HN Bora बिथांआ बुङोदि, जों माखासे सुबुंफोरनि सुफुं बिलाइफोरखौ मुंजों लोगोसे थानाय दान मोनसे सिगांनिफ्रायनो भट सोगोरि मुंनि फारिलाइ एबा Electoral Roll आव सोदांनो थाखाय मोनगासिनो दं। माखासे सुफुं बिलाइफोरनि गेजेरजों फोरमाइदोंदि बिथांमोनहा सनदेह’ थानाय सुबुं नङा, नाथाय ‘D’ Voter नि फारिलाइआव थाबथानानै दं। बिथांमोनहा थाबैनो ‘D’ Voter नि फारिलाइनिफ्राय बोखारनांगौ आरो भट सोगिरि मुंनि फारिलाइआव थिसन नांगौ होन्ना हांख्रायहरदों। दुखुनांथाव बाथ्राया बेसोदि मुं सोदांनाय फारिलाइनि बिबानखौ जों मावथ’आखौ जुदि बिथांमोनहा माबाफोर बुंनांगौब्ला थोंजों हादोर बिसायखथि बिफान एबा Election Commission of India नि सिगांआव बुंनो हागोन होन्ना बिथांआ मिथिहोबावो।

logo
Sentinal Assam
bodo.sentinelassam.com