टंला,जानुवारि 9: बीटीसी खुंथायनि नाजानायाव आसाम, अरुनाछल आरो भुटान हाजोनि साखाथिआव हिमालाया हाजोनि सेरफांआव थानाय उदालगुरि जिल्लानि 24 कि. मिटार साहा 7थि भैरबखुन्डा गोजां बोथोरनि फोर्बोआ मंगलबारनिफ्राय जागायबाय।
खौरां मोन्नाय बादिब्ला बे फोर्बोआ 12 जानुवारि 2019 अक्टसिम सोलिबाय थागोन, जाय फोर्बोआव सा-सान्जा ओनसोलफोरफोराव थानाय गुबुन गुबुन हादोरसाफोरनि सुबुंफोरा बाहागो लानायजों लोगोसे अरुनाछल प्रदेस आरो भुटान हादोरफोरनिफ्रायबो बाहागो लाफैगोन।
बे फोर्बो पालिनायाव गोबां गुबुन गुबुन रोखोनमि माहारियारि मोसानाय, मेथाय रोजाबनाय, हारिमु बादायज्लायनाय, गेलेनाय बादायज्लायनाय, आरो बायदि रोखोमनि हारिमायारि जानाय लोंनाय दिन्थिफुंगोन। बेफोरजों लोगोसे भसपुरिफोरनि रानि कलपना पाटवारि, मेथाय रोजाबगिरि प्रियंका भरालि आरो मुंदांखा रादाब फरायगिरि यानकि पाराशार बिथांआबो हाबाफारिआव बाहागो लागोन होन्ना मिथिनो मोनबावनाय जायो।