होरिसिंगां प्रायमारि खमिटि बड’ साहित्य’ सभाया बर' थुनलाइ सान फालिनो साखापारा

उदालगुरि,नबेम्बर 8: बड’ साहित्य’ सभानि गाइसंनाय सान एबा बर’ थुनलाइ सान 16 नबेम्बरखौ सानसे गोलाव सम हाबाफारि लानानै खुंफुंनो थाखाय उदालगुरि जिल्लायाव थानाय होरिसिंगां प्रायमारि खमिटि बड’ साहित्य’ सभानि दैदेन्नायाव फैगौ 16 नबेम्बरखालि बंगुरुम होन्नाय ओनसोलनि अरगें फोथाराव खुंफुंनो थाखाय साखाफारा।

बे बाथ्राखौ होरिसिंगा प्रायमारि खमिटि बड’ साहित्य’ सभानि गाहाय नेहाथारि मगेन्ड्र बर बिथांआ बुङो। बे हाबाफारिखौ होरिसिंगा प्रायमारि खमिटि बड’ साहित्य’ सभानि आफादगिरि सिमसन दैमारि बिथांआ फिरफिला बिरहोनानै जागायगोन, बेनि उनाव आफादनि लेङाइ आफादगिरि उट्टम चन्ड्र रामचियारि बिथांआ मुंख्लंफोरनो बिबार बावजेनगोन, बे हाबाफारिनि गेजेरजों होरिसिंगा प्रायमारि खमिटि बड’ साहित्य’ सभानि बेन्दोंआव थानाय मेट्रिक आन्जादआव जौसिन मासि आवग्रिनो हानाय अन्जुली दैमारिखौ बरायगोन होन्ना होरिसिंगा प्रायमारि खमिटि बड’ साहित्य’ सभानि गाहाय नेहाथारि मगेन्ड्र बर बिथांआ फोरमायो।

बे हाबाफारिआव खन्थाय आवरायनाय, हारिमु दिन्थिफुंनाय, मोसानाय आरो गेवलां सावरायमेलफोरखौ खुंफुंगोन होन्ना खौरां मोन्नाय जायो आरो बे हाबाफारिखौ बेखेवगोन बैरबकुन्दा बियाबनि MCLA रिपेन दैमारि बिथांआ।