होरिसिंगा मडेल देहा फाहामसालिखौ मोजाङै लुफुंआखै: ABSU

टंला,जुलाइ19: डिस्पुरनि सरकारा सोलायदोंब्लाबो उदालगुरि जिल्लायाव थानाय होरिसिंगा ओनसोलनि थाखाय रां जाखोमानायफोरनि आखल आखुफोरा सोलायाखै। उदालगुरि जिल्लायाव थानाय हरिसिंगा मडेल देहा फाहामसालिखौ नांगौ जानाय मोजां रोखोमनि जिनिसफोरखौ बाहायनानै लुफुङैआव बिलदिंनि गोबां जायगाफोराव गावब्रानायनि सिनफोरा माखासे समाज सिबियारि आरो ABSU नि मावथि बिथांमोनि मेगनाव गोग्लैदों।

दुलाराय बर फरायसा आफादनि हरिसिंगा दालाय आफादा देहा फाहामसालिनि बिलदिंखौ बेखेवनायनि सिगां गावब्रानायनि थाखाय दुखु फोरमाइदों। आफादनि लेङाइ नेहाथारि रिनजय बर बिथांआ बुङोदि-गोदानै लुगासिनो थानाय देहा फाहामसालिनि बिलदिंनि इन्जरफोरा गोबां जायगाफोराव लुनाय समाव मोजां बेसादफोर बाहायैनि जाहोनाव गावब्रानायनि लामा लाबाय। फरायसा दैदेनगिरिआ थाबैनो उदालगुरि खुंथायखौ बेनि फारसे नायबिजिरनो खावलायो। हरिसिंगा आन्सलिक ABSU आ हरिसिंगा पुलिस स्तेसनाव लुगिरि असक बाजाज आरो National Rural Health Mission नि मावथिनि बेरेखा गसर दैखाङो।