एनआरसीआव मुं थिसनफिन्नाय आरो अजद होनायनि जोबथा हियारिंआ दिनैनिफ्राय जागायबाय

गुवाहाटी,फेब्रुवारि 15: गोबाव समनिफ्रायनो सोलिबोबाय थानाय नेशनेल रेजिस्तार अव सिटिजेनसिव (एनआरसी) नि जोबथा आबुं फारिलाइखौ थांनाय 30 जुलाइ 2018 आव फोसावदोंमोन। जोबथा आबुं फारिलाइआव गासै 40.07 लाख सुबुंफोरनि मुंफोरा नुजायाखैमोन। जाय बिथांमोनि मुंफोरा जोबथा आबुं फारिलाइआव नुजायाखै बिथांमोनखौ जौसिन बिजिरसालिआ गनायजाथाव फोरमानलाइफोरखौ नोजोर होनानै मुं थिसनफिननो आरो अजद होफिननो खाबु होदोंमोन।

बिथांमोनि मुं थिसनफिन्नाय आरो अजद होफिन्नायफोरखौ नायबिजिरफिन्नो थाखाय साफ्रोमनोबो मोनफ्रोमबो एनआरसी सिबिथाय मिरुफोरनिफ्राय 15 सान सिगांनो खौरां हरनाय जाबाय होन्नाबो खौरां मोन्नाय जायो। बिथांमोनि फोरमानलाइफोरखौ नायबिजिरनिनै जेंना गोनां सुबुंफोरनि मुंफोरखौ खोनासंहोनो हादोरसायाव गासै सा 3,457 ऑफिसारफोरखौ थिसन्नाय जादों। बिथांमोनि बाय’मेट्रिक देटा (SOP) आरो फोरमानलाइफोरखौ एनआरसी बिबानगिरिफोरा लाखिया नाथाय आसाम सरकारा लाखिगोन होन्ना मिथिनो मोनबावनाय जायो।