GUWAHATI: गोलाव समनिफ्रायनो आसामाव रेल बिफानाव थार्द आरो फर्द ग्रेद खालि जायगाव जायगायारि सुबुंफोरखौ थिसननायनि थाखाय सोरकारनिसिम खौसे गारांजों हज्रिखावनाय हाबाफारिआ सोलिबोबाय थादों। मोन्थिनो मोननाय बादिब्ला जायगायारि सुबुंफोरा बेफोर खालि जायगाफोराव गोख्रैनो थिसनजानांगौमोन एबा थिसननांगौमोन। नाथाय आसामाव रेल बिफाननि बेफोर बादि थार्द,फर्द ग्रेद खालि जायगायाव भारतनि गुबुनफोरासो खामानि थिसन बिलाइ लाना जायगाखौ आवग्रिना लाफैनायखौ नुयो।
बेफोर समायसाखौ लानानैनो सरबा नन्द सनुवाल भारत सोरखार रेल बिफाननि पिउस घयालजों सावरायरायज्लायनायनि गेजेरजों बेखौनो खावलायोदि आसाम हादोरसायाव रेल बिफानाव जायगायारि सोद्रोमफोरनो थार्द, फर्द ग्रेद खामानि थाखाय सिगां जायगा मोननांगौ होनना। जायनि थाखाय रेल बिफाननि रनजन गहाइन, आगु आसामनि रेल मन्त्रि बिजया चक्रबर्ति बिथांमोनाबो रेल बिफाननि थार्द, फर्द ग्रेदआव आवग्रिना दोनजाखानाय जायगायाव मावथिफोर थिसननायआ जाफुङासै। बेफोर बादि साख्रि गैजायि थासारिआ नुजानायजों लोगोसे 21 लाखनि गेजेराव गोबां सुबुङानो साख्रि मोनाखै। 2016 माइथायाव बिसायखथिआव BJP हान्जाया 25 लाख सुबुंनो साख्रि होनायजों लोगोसे दारिमफोराव गावारि साख्रि थिसननायनि खोथा होदोंमोनब्लाबो हादोरसायाव 5 बोसोर थांसेआवबो मावफुंनायखौ नुआखै। जायनि थाखाय लिरथुमबादियै हादोरसा सोरखारा गावारि साख्रि थिसननाया सा 62,000 नि बो जोबोद गोजान होनना मोन्थिनो मोननाय जायो।
बेफोरबादि जाथायखौ लानानैनो माखासे सोंथिफोरा नुजाखांदों, जायनि थाखाय जायगायारि साखोरि गैयि मानसिफोरा थार्द, फर्द ग्रेद खामानिआव थिसनजानो खाबु मोनाब्ला गासै मिरुआरि सोरखारनि मावगिरि, एजेनसि, कम्पानिफोरनि मावगिरिफोरा मावफैगोन नामा? अन्ध्रा प्रदेस हादोरसायाव सोरखारा 75% दारिमिनारि मावखफोराव खामानिआव जायगायारि सुबुंफोरखौ थिसननायनि थांखि लानायजों लोगोसे जायगायारिफोरनि थाखाय सिगांग्रो जायगा एबा रिजाभ थागोन होनना मोनथिहोयो।
गोनांथियै.मोनथि होनायबादियै जायगायारिफोरनो साख्रिनि थाखै गिबि जायगा मोननांगौ, आर्तिकोल 16 आव ST, SC आरो उन्दै हारिफोरनि थाखाय रिजाभनि थाखाय मुंखना दोनजादोंब्लाबो नाथाय अराय थाग्राखुलिफोरनि थाखाय नङा।आथिखालाव मिरु सोरखारा बायदि बायदि रोखोमनि आनजादफोरखौ अनलाइननि गेजेरजों खालामदों, भारतनि गोबां खना खनला जायगानिफ्राय आनजाद लिरदों । बेनिफ्राय नुनो मोननाय जायोदि सोरखारा मेचिन आगजुफोरनि गेजेरजों माबोरै जायगायारि रैखाथि होदों
Also Watch: Journalists stopped from doing their job at Lumding Railway Division