आसामनि सावथुन फैसालियाव आमीस सावथुना 22 नबेम्बराव उदां जागोन
बयजोंबो मिथिजानाय सावथुन दिहुनगिरि आरो महरगिरि अनुराग काश्यप बिथाङा सोलिफु बोसोरनि नबेम्बर दाननि गेजेराव आमीस "Aamis" मुंनि असमीया सावथुननि खामानि मावनायनि सोमोन्दै फोसावना होयो। सावथुन महरगिरि अनुराग काश्यप बिथाङा गावनि इन्सटाग्राम (Instagram) जोहै बे खौरांखौ फोरमायो। आरो नबेम्बरनि 22 अक्ट'याव सावथुन अनसायगिरि (Cine Lover's) फोरखौ नायनो खावलायदों। भारत हादोराव आमीस "Aamis" नि बायदि सावथुन माब्लाबो सावथुननि फैसालियाव नुजायाखै।
जेब्ला अनुराग काश्यप बिथाङा फोरमायनाय खौरांनि बादिब्ला सा-सानजा भारतनिफ्राइ गिबि खेबनि थाखाय फाव दिन्थिनाय बाहागो लादों। "Aamis " (आमीस) सावथुनखौ लिरदों आरो दिहुनदों महरगिरि भास्कर हाज'रिका बिथाङा। अनुरागनि बादिब्ला सावथुनाव गुबैयै मोनसे गुबुन रोखोमनि सावगारि महर होनाय जादों। मख'जाथावदि सावथुन दिहुनगिरि भास्कर हाजरिकानि आखायजों महर होनाय गिबि असमीया सावथुन "कथानदी " इं 2016 माइथायाव हादोरारि थाखोआव बान्था आवग्रिनो हादोंमोन। बे सावथुन नि फावखुंगुर फावखुंग्रि फोरा फारियै लिमा दास, अर्गदीप बरुवा। निटाली दास, सागर सौरभ आरो मानस के दास मोनाबो फाव खालामो। "Wishberry Films" नि मददजों पुनम बरा आरो स्याम बरा सानैया दिहुनो। सावथुनखौ सोलिफु बोसोरनिनो निउ वर्क आव खुंफुं जानाय ट्रिबिका सावथुन फोरबोआव प्रिमियाम दिन्थिहैनाय जागोन। मख'जाथावदि बे सावथुनखौ साबसिन सावथुननि लोब्बा गोनां मोनबा बाहागोआव रान्नाय जायो।
रायदावनो गोनांदि आमीस( Aamis) सावथुना सिंगापुराव खुंजानाय खोला एसियान हादोरनां गेजेरारि सावथुन फोरबो (South Asian International Film Festival) आव मोन्नै सन्मान बान्था (Awards) आवग्रिनो हायो। बेफोरनि गेजेराव दं साबसिन सावथुन महरगिरिनि बान्था( Best Director Award') भास्कर हाजरिकानि सिम आरो साबसिन सावथुन फावखुंग्रि (Best Actress) नि बान्था लिमा दास।
सावथुन आमीस( Aamis) नि दिहुनगिरि आरो महरगिरि भास्कर हाजरिका बिथाङा बुङो दि अनुराग काश्यप फाव दिन्थिनाय सावथुनाव गासैबो फाव खालामनाय टिमनि सिमांआ मोगथाङाव मह'र मोनगोन। बोहैथि बोसोरनिनो नबेम्बरनि 22 अकट'खालि आमीस( Aamis) सावथुना आसामनि सावथुन फैसालि (Cinema Hall) याव उदां (Release) जागोन
Also Read: हादोरारि बिसायख’थि आयोगा भ’ट होगिरिनि नायबिजिरनाय हाबाफारिखौ बारायबाय
Also Watch: Self Reliant Farmers from Titatbor
