दा बावैसो सान सिगां स्प्रे सारनाय बायदि जाथायखौ मख'लांनानै बर'लेण्ड हालामनि अबर' सुरक्षा समिति, आसाम (NBSSA) जों गोदानै दाफुं जानाय आसाम गण सुरक्षा पार्टि (AGSP ) नि दैदेनगिरि मोना जुथायै गुवाहाटी नोगोरमानि दिसफुर प्रेस क्लाबआव खुंफुंनाय गंसे खौरां मेलनि गेजेरजों फोरमायो दि बे मुगैथावना जाथायखौ दासिमाव माखासे दोलो आफादा कक्राझार ल'क सभा बियाबनि सांसद नब' सर'नियानि मुं लानानै दुसिनो हमदों होन्ना अ'जद दैखांदों। जायखौ जोंनि जुथाइ आफादनि जानानै गोख्रों रावजों सोंखारिदों।
मख'जाथावदि बे खौरां मेल (Press Meet) अबर' सुरक्षा समिति, आसाम (NBSSA) नि गाहाइ बोसोनगिरि (Chief Adviser) ब्रजेन महन्त बिथाङा बुङो दि जोंनि खौरां मेल बान्जायनायनि गुबै थांखिया जाबाय बर'लेण्ड जारखुंथाय गौथुमनि खुंथाइ गोहोआव थानाय राजखान्थि दोलो नि खेंसालिया मददजों बि टि सि हालामाव दांङाबाजि थासारि सोरजिनो नाजागासिनो दं। बर'लेण्ड हायुंआरि गौथुम ( Bodoland Territorial Council )नि गाहाइ मावफुं सोद्रोमा (CEM) हाग्रामा महिलारि दैदेननाय बि पि एफ नि सोरखारनि 15 बोसोरनि खुंथाइ समाव राज्यो राजाया मेंग्लि होबाय। बि पि एफ हान्जाया आबुङैनो थार खुंथाइ दैदेननायाव फेलें जादों। बिसोरो राजखान्थि गांनाय उखैनायखौ सुफुंनो थाखाय हिंसायारि जाथायनि आश्रय लादों होन्ना खौरां बिजोंनि गेजेरजों गोख्रों रावजों सोंखारियो।
अबर' सुरक्षा समिति, आसाम (NBSSA) नि गाहाइ बोसोनगिरि ब्रजेन महन्त बिथाङा दाजाबदेरनानै आरोबाव बुंबावो दि बि टि ए डि हालामाव आयजोनि सायाव स्प्रे सारनाय जाथायनि असिला लानानै माखासे दुथां साखन्द्राया दुंहाव थासारि सोमजि होनो नागिरदों। जेराव आयजो माहारिनि मोनबो रैखाथि गैयि जादों। बेनि आन्दोआव दि सोरबाया गावनि स्वार्थखौ फोलोमनो नांथाबदों बेयो रोखा। बिबाइदि मुगैथाव बेलायावबो सोरखारा सिरियै जना थानाय एबा सुस्रांनायनि जेबो राहा लायैआ थारैनो दुखुनांथाव बाथ्रा होनना बुंथियो।
ब्रजेन महन्त बिथाङा आरोबाव दाजाबदेरनानै बुंबावो दि बर'लेण्ड जनजाति सुरक्षा मन्स (BJJSM) मुंनि आफादा खालि बर' आयजोखौसो बे मुगैथाव जाथायनि बुलि जानांदों। नाथाय बेबादि नंखाय रादाबखौ फोथायना लानो नाङा होन्ना बुंङो। बे जाथायनि गेजेरजों माखासे सुबुंआ दांङाबाजिनि हिंसायारि जाथाय सोरजिनो नाजादों। नंखाय खौरां आरो थुनज्लायनायनि गेजेरजों गोजोन आबहावाखौ दुंहाव थासारि सोरजिनो नाजागासिनो दं होन्ना बुंथियो।
Also Read: मुलुग सोलोंसालि आरो गोजौ थाखोनि सोलोंसालिफोराव जिना हारिनि थाखाय आयेन खान्थि दानाय
Also Watch: Five coal laden truck seized in oil town Digboi