आसाम पुलिसनि गाहाइ कुलधर सइकीयाजों गलाधाटनि राज्यो-राजाजों सावराय मेल

Golaghat: आफां आसामनि गलाधाट जिलायाव थांनाय रबिबार खालि आसाम पुलिसनि बिबान गोरा गाहाइ (Director General Of Police) कुलधर सइकीया बिथाङा सानसनि गोलाव हाबाफारिजों नायगिदिंहैयो। बे नायगिदिंनाय हाबाफारिजों लोब्बा लाखिनानै जिलानि पुलिस गाहाइ बिबान गोरा (Superintendent of Police) मावख'आव जिलानि गोजौ थाखोनि पुलिस मावख'गोरा (Senior Police Officer) लोगोसे जिलानि सिङाव थानाय गुबुन गुबुन दोलो आफाद (Organisation) फोरनि दैदेनगिरि मावथि मोना सावराय नाय जथुम्माव बाहागो लाहैयो।

हादोरसानि पुलिसनि बिबान गोरा गाहाइ (Director General Of Police) कुलधर सइकीया बिथाङा गावनि बिबुंथियाव हादोरसानि बेंखन्थायाव जिउ खांनाय राज्यो-राजाखौ आइन आब्रुथिनि गेजेराव रैखाथि होनायाव जोंनि गुदि बिबान दं। राज्योनि सिङाव थानाय साफ्रोमबो नोगोरारिजों जोंनि लोगोयारि (Friendship) सोमोन्दो दं। राज्योनि समाजारि आबहावाखौ गोजोनै गोजोन लाखिनाया साफ्रोमबो सुबुंनिबो बिबान होन्ना बुंबावो।

बिथांआ आरोबाव फिन बुंथिनानै हादोरसानि दाब दाब खना खनलायाव सोलिबोबाय थानाय लाइमोन बैसोनि सेंग्रा हौवानि जिउखौ फोजोबस्रांनो हानाय माखासे फेग्रा हारिनि मुवा जिराद फोरखौ बाहायनाय निफ्राय जानगाराव लाखिनानै सुबुं समाजनि साफ्रोमबो नोगोरारिनिबो बिबान दं। बेफोरनि गेजेराव आइन बेरेखा खामानि मावलांनाय, द्राक्स, स्माग्लिं , जौ नि बाहायनायखौ सांग्रांथि नोगोरारिया हमथाना लाखिनांगोन। बेजों लोगोसे राज्योनि गुबुन गुबुन खनानिफ्राय सिन्डिकेट नि रादाबा राज्योनि सिगां सारिनि खौरां लाइनि गुदि लारियाव फोसाव जानाय बादिनो गलाधाट जिलानि सिङाव खयला सिन्डिकेट , सुपारि सिन्डिकेट बायदिखौ हमथा नांगोन बेजों लोगोसे आइन -- आब्रुथि थासारि (Law and Order Situation) नि लायाव जगायनायखौ बन्द खालामनांगोन होन्ना बुंथिबावो। रायखांनो गोनां दि जिला खुंथायनि सिंङाव थानाय गोजौ थाखोनि पुलिस बिबान गोरा मोनदों मुगा मुगि सावरायनाय बुब्लियाव आसाम पुलिसनि बिबान गोरा गाहाइ (Director General Of Police) कुलधर सइकीया बिथांखौ दुंब्रुदजों मान बावनाय जायो।

Also Watch: Students of Tinsukia College staged 3 hr sit in demonstration