Guwahati : आसाम बिधान सभानि गोजां बोथोरनि जथुम्मायाव हादोरसानि सिङाव थानाय सिडियुल ट्राइब आरो काष्ट ,बै सुबुं माहारिया भुगिनानै फैनाय समाजारि रांखान्थियारि बिथिंखौ नोजोर लाखिनानै बिधान सभानि बुंथिगिरिनि नाजानायाव दिखांनाय जायो एस टि आरो एस सि नि आयदाखौ। बे मोननै सुबुं माहारिनो होलांनाय गुबुन गुबुन बिथिंनि संरैखाथि आयदानि सायाव माखासे एम एल ए मोना सोंथि दिखांङो। बे सोंथिनि फिननायाव बिफानारि मन्थ्रि बिथाङा बिधान सभायाव बुङो दि सोरखारा राज्यो-राजानि नांगौथार गासैबो रोखोमनि खामानि मावलांगासिनो।
मख'जाथावदि आसाम बिधान सभानि बुंथिगिरि (Speaker) हितेन्द्र नाथ गश्वामी नि नाजानायाव मैया अदेबानि बृहस्पतिबार खालिनि गासै सम एस टि आरो एस सि माहारिनि समाजारि आरो रांखान्थियारि बिथिङाव जौगानायनि सायाव सावरायनाय जायो। बै सावरायनाय आयदाफोरनि गेजेराव दं फारियै ट्राइबेल बेल्ट आरो ब्लक नि हा खोन्दोखौ रैखाथि होनांनाय, नन एस टि एस सि सुबुंआ गावबा गावनि मुलाम्फानि थाखाय नंखाय एस टि आरो एस सि नि फोरमानथि बाहायनायखौ बन्द' खालामनाय, एस टि एस सि नि थाखाय लान्दां मासिखौ सुफुंनायनि राहा लानाय आरो एस सि आरो एस टि नख'रारिखौ गावसोरनि जिउखां राहा (Occupation) खौ नोजोर लाखिनानै हा पाट्टा रान्नाय।
बेराफारसे थिं जाय असम गण परिषद दोलोनि एम एल ए भबेन भरालि बिथाङा बुंथियो दि एस टि एस सि गोगोम हालामाव समाजारि रांखान्थियारि बिथिङाव सेनसास खालामनायनि बिबुंथि लाखियो। एस टि एस सि सुबुंआ मोनबाय थानाय गासैबो अनसायनाय बिथांखिफोरखौ रानलांनो नांगौ। बेखौ मावबिथांखिखौ गाहामै गाहाम नायबिजिरनानै मावफुंलांनो थाखाय आलादा कमिसन बिफान दाफुंनायनि सुबुरुन होयो।
सोरखारनि लोगो हान्जा बि पि एफ नि एम एल ए (Legislator) मनेस्वर ब्रह्म बिथांआ सावरायनायाव बाहागो लानानै बुंथियो दि हादोरसा खुंथाइ बिफाननि आखायाव एस टि आरो एस सि बेगलग पष्टफोराव प्रम'सन मोननायनि सायाव मोनबो नंथारगौ खारिथि (Exact Figure) गैमारा। जेराव माखासे 12 रोजा खारिथि खालामदों, गुबुन फारसेथिं जाय 16 रोजा (Thousand) प्रम'सन मोननायनि खारिथि (Figure) जमा होदों । बे बेले बेजे गोनां आयदानि सायाव सोरखारा थाबैनो गाहाम फोजोबलांनो नांगौथार राहा आजावनो नांगौ आरो लान्दां मासिफोरखौ सुफुंसारनो थाखाय गोनां मावथांखि (Decisive Policy) लानांगौ।
गुबुन फारसेथिं जाय बक' बिधान सभा बियाबनि कंग्रेस दोलोनि एम एल ए (Congress Legislator) नन्दिता दास बिथाङा गावनि बिबुंथियाव फोरमायो दि गोबां जेनेरेल केटेगरिनि सुबुंआ नंखाय एस टि आरो एस सि बाहायनानै सुबिदा लायो। सोरखारा बे दुथां सुबुंनि दारै सोरजिनाय खामानिखौ थाबैनो दबथायनो नांगौ। लोगोसे एस टि आरो एस सि थानाय जायगायाव सार्भे खालामनायनि गोनांथि दं होन्ना दिथा होयो।
Also Read : बर’ थुनलाइ आफादनि बारग’ आफादगिरि ब्रजेन्द्र कुमार ब्रह्म आरो गैलिया
Also Watch: 15 year old girl reported missing from Kasuwa in Nagaon District since Nov 24